【專訪．有片】杜汶澤影張栢芝最滿意　超美私相公開：唔會影得番

「無情白事影相就最開心啦！」杜汶澤說。

「唔好話你影完佢（張栢芝）出去影唔番呀，你影完佢（張栢芝）想再影佢都影唔番。」與杜汶澤聊起興趣，除了酒精其次應該是攝影，幫張栢芝隨意影的一輯黑白照，更令阿澤回味到有今生無來世。

女攝影師阿moon在阿澤吃雞肉串的空檔發問：「阿澤，如果當人哋問你，話你影唔到或者唔係要嗰隻feel呢？」杜汶澤思考了一會回答：「如果以我咁嘅影相級數，我會覺得佢係唔識嘢囉。」再問：「如果係夏永康話你啲相唔得呢？」澤：「咁就大鑊啦！佢教我影相㗎嘛。佢有講過，佢有講過，佢真係有講。」杜汶澤一邊抹咀一邊回憶夏永康對他說過的話：「你（杜汶澤）又唔識溝通又唔識光線嗰啲嘢，你淨係想影嗰個人個表情同個『氣』。調返轉頭呢樣野先係最緊要。你而家愈影愈靚呀，咁咪唔得囉……」忽然高深到可能要森山大道先明。