【無綫hea用】羅莽美國做電影主角 過百粉絲聚會：個個起身拍手
63歲羅莽在無綫是甘草演員，或者網友覺得他只是配角，但在外國原來有一班die hard粉絲，尤其非常喜歡羅師傅後生時期拍的邵氏作品，特別是1979年的《金臂童》更是黑人心目中的cult片，好多人看了之後都走去學功夫強身健體。而這班忠粉上年7月就邀請了羅莽到美國，為他舉辦了粉絲聚會，現場有過百粉絲出席，粉絲仲要給30蚊美金影相簽名，羅師傅氣勢拍得住荷李活巨星。
事隔半年羅莽接受《香港01》訪問，依然難掩興奮心情，他說：「點會諗到自己有外國粉絲㗎？真係好感動，見到有女仔將自己嗰樣紋响手臂，又有粉絲睇完自己嘅電影而學功夫，我真係要好多謝邵氏電影同埋張徹大導演，我班外國粉絲好錫我，影相簽個名30蚊美金，佢哋都肯，真係估唔到，係主辦收啫，我都有收酬勞，跟住聽下佢哋點睇我嘅電影呀，一入場個個企起身拍手，冇諗過，真係冇諗過！」
羅莽當年為邵氏小生，90年入無綫後多演配角、諧星，好多網友為羅師傅不值，覺得TVB唔識貨，但羅師傳覺得無綫對他不薄，他說：「我唔覺無綫對我唔好喎，佢畀好多機會我，監製鄺業生、梅小青呀….呢兩個監製好錫我，唔係下下要做主角嘅，個個做主角套戲唔駛做啦，我哋做戲咁多年啦，咩角色都嘗試過啦，人哋畀幾多工作你，一定有原因，我哋呢啲好明白。拍戲係team work，個個都要多戲，唔好睇㗎！就算配角你做好自己就得，觀眾有眼睇㗎。」
【風雲5D音樂劇】49歲謝天華扮聶風變蔡一智 飄逸長髮真係咪亂試
網友最愛惡搞羅莽，說他是梁美芬和「自投羅莽」，不過羅師傅一點也不介意，他說：「好得意㗎！佢哋諗到好多嘢，其實我係有喜感嘅，我一啲都唔嬲，仲好開心，網上咁多嘢發生，人哋仲記得你喎，『自投羅莽』聽過啦，以前盧David玩先㗎，有日走埋嚟，好認真問我『羅莽你咩字頭？』我見佢咁認真嚇鬼死，跟住佢話：『字頭羅莽』（啲人話你似梁美芬？）梁美芬邊位嚟呢？係男定係女嚟㗎？下？議員嚟㗎？失敬，失敬，真係唔識！」
羅師傅在美國除了有聚會，當地粉絲還眾籌開拍《金臂童》續集叫《Golden Arms Returns》，羅帥傅上次去美國都有拍少少預告片，他說：「應該6月左右會去荷李活拍，佢哋其實想我而家去，不過我要拍澤東套《歐洲攻略》去唔到。」羅師傳而家大把世界啦。