無綫慳皮好耐無古裝大製作　《回到三國》連關公都要做步兵

說到TVB古裝劇，除了一堆金庸小說改編系列深入民心之外，《楚漢驕雄》、《大唐雙龍傳》和《金枝慾孽》等等都大收好評，還有一套被稱為神劇的《尋秦記》。比起近年只有宮廷鬥爭的古裝劇，或者剛剛播完爛到無得再爛的《味想天開》，以前的劇更加多元化和有追看性。一套劇成功，演員、劇本和場景最重要，TVB向來不缺乏演員，而劇本的創作性與高層的決定相當有關係，高層以甚麼因素作決定？一來是敏感題目不能夠，二來就是成本。最後的場景就絕對是成本的問題，試問只依靠TVB的古裝街又怎能夠拍出一部有口碑的古裝劇？當時《回到三國》連關公都要棄馬步行，就是因為一隻馬的租本要數百元，咪焗住落地行囉！

我地望一望上面，姐係大陸。近來製作的古裝劇，《射雕英雄傳2017》、《熱血長安》、《狐芳不自賞》、《三生三世十里桃花》，套套都大賣，套套都高成本製作，場景靚到觀眾嘩嘩聲。如果香港要追上進度，落重成本都在所難免，現在已經好多人轉看大陸的古裝劇，認為香港演員對白不夠古代，場景服裝不夠美感。對白方面要靠編劇努力，而場景服裝就要看看TVB肯不肯下成本了，其實2017年兩部古裝台慶劇《宮心計2·深宮計》和《天命》都會上大陸實景拍攝，希望到時會有驚喜，俾返有水準的古裝劇香港觀眾喇。