【Big Big Channel】麥明詩教小朋友做功課：有啲我題目都唔肯定
撰文：郭敏玲
出版：更新：
TVB要推出Big Big Channel，藝人都一定要發生咩事，相信咁多藝人知道自己做乜嘅。（符祥定攝）
TVB又有新搞作，由上年講到今日的全新免費手機應用程式Big Big Channel，今日終於舉行發布會，宣布6月23日有得體驗，7月23日正式出街。不過以Big Big Channel這個App來說，真的是無奇不有，藝員可以鍾意分享乜嘢都得，但其實其功能都與普通社交平台及直播相似，今日全台藝員大晒冷，佢哋又知唔知Big Big Channel咩玩法？
麥明詩就話自己會直播教做功課。（符祥定攝）
就此問到十優港姐麥明詩，佢第一句就話：「係呢個App方面，我都真係出盡全力。」原來她有份參與試用App，協助開發。據知她未來主打幫小朋友解決功課疑難，早前就試驗過，收集多名小朋友的功課，她坦言現時小學生的功課都唔太易，「有啲題目我睇到都唔係好肯定。（有咩題目會難到你？）好似有啲常識題咁，例如會問香港嘅雨季係幾時，都真係未必知，而小朋友都會好關心呢個問題，因為有機會唔洗返學啊嘛。」雖然麥明詩搞「小朋友問功課」，但而家網絡發達，有咩Google都得啦。麥明詩就不認同，她說：「搞呢個就係唔想小朋友一唔識就上網搵答案，好似我細個咁，唔識就同媽咪或者同學討論，仲學到嘢。」
但佢話小學功課有啲都難難地。（符祥定攝）
除了教做功課，麥明詩自己就想直播講下兩性話題：「我發覺人總係離唔開呢個話題，有機會都想同幾個KOL傾下呢個話題。（想同邊個合作先？）我幾想同王迪詩傾下，佢係我師姐，我一直好想佢傾下，兩個人一齊出嚟傾會爆到好多火花。」名咀對名咀，一定好多嘢睇。