黎明心情靚FB拍片揸車又唱歌　揸左軚車行錯線險出事

天王黎明（Leon）隔23年再接拍大陸電視劇《莫語者》，最近他就回到大陸工作，一到網絡世界Leon就會化身成「明福俠」與網民互動，分享自己生活趣事，搞鬼風格與銀幕以及舞台上的Leon大相逕庭。今朝早Leon同大家講句「早呀！大漠Puppy」，又上載了一段他邊開車邊唱歌的影片，Leon說：「由呢個橫店嚟到呢個中國嘅沙漠區，今次真係冇咩好rap。」之後Leon唱出由陳百強和林姍姍合唱的《再見Puppy Love》，還興起戴上草帽，心情看似很不錯！

正當大家陶醉在Leon歌聲的時候，坐在他旁邊拍攝的人突然提醒他一句：「揸返隔籬線啊！」Leon嚇得把帽子除下，茫茫然問一句：「係咩？行錯線咩我？Okay，唔緊要！」

可能Leon少在大陸工作，沒太多在大陸開車的經驗，習慣了香港「左上右落」，而忘記了大陸是「右上左落」的行車安排，幸好當時路面上沒有車在行駛，不然就會釀成車禍了，Leon還是交由助手開車吧。