《射鵰》後播《超時空男臣》？TVB又玩穿越劇觀眾想棄睇
撰文：溫菁莉
出版：更新：
一年容易又到TVB嘅Amazing Summer，自上個月收視大收的《不懂撒嬌的女人》播畢後，除了8點30分《射鵰英雄傳2017》口碑不錯之外，接住播出的終極趕客之作《蘭花刼》就簡直慘不忍睹。在Facebook撰寫專欄的博客游大東透露，緊接《射鵰英雄傳》將是由蕭正楠及田蕊妮主演的古裝穿越劇《超時空男臣》，劇情講述明朝三位臣子袁崇煥、左光斗及李進忠穿越到現代找太子妃郭倩的故事。嗯....點解劇情好似好熟咁嘅？我記得啦...好似五年前嘅韓劇《閣樓王世子》！！
唔講以為睇緊羅威信同倀雞英。
2012年播出的《閣樓王世子》，朴有天同韓志旼真係做得好好！
蕭正楠有幕唔俾田蕊妮架車走，喺車尾用手壓住阻止(下圖)，有點似《來自星星的你》(上圖)。
但最搞笑一定是兩位男女主角，就是蕭正楠及田蕊妮，因為他們就是劇集《巨輪》的標誌，咁咪即係又重睇羅威信同倀雞英，真係睇到好悶。有網友就話選擇不看《超時空男臣》，因為聽落似膠劇。膠味成分重唔重就未知，但其實TVB究竟係咪山窮水盡要去到翻拍韓劇呢？
講返《閣樓王世子》，當年這部劇由人氣偶像朴有天及韓志旼出演，該劇奪得不少獎項。劇情講述朴有天飾演的李恪，帶領臣子們意外地穿越300年，來到21世紀的首爾。劇情的gag位，就是因講述李恪與3位臣子因為未適應現代首爾的生活，發生一連串爆笑事件，不知道《超時空男臣》會否加重這部分的情節呢？