黎明中環再開騷又爆場 最愛芝麻卷要早啲到場搵
撰文：陳奕熙
出版：更新：
黎明近年似乎在中環海濱活動空間開騷開上癮，下月1日將與張智霖、陳小春再臨此地，一齊搞個《開心幸運里》懷舊嘉年華，門票價格親民僅售$150，大會今日在Facebook宣布15000張門票已全部售罄。
黎明、張智霖及陳小春會在七一現身中環海濱活動空間開騷。（Facebook圖片）
雖然票價不高，但絕對是「蔗渣價錢、燒鵝味道」，場內除了設有音樂區，還有香港舊街及美食區，設有多款懷舊小食。正在內地拍攝電視劇《莫語者》的黎明都話如果演出當日時間許可，會早啲到場逛一逛美食攤檔，問到黎明最喜歡哪款懷舊小食？他笑言：「以前食過一款芝麻卷好好味，但唔記得喺邊度買喇！」如果大家買咗飛，記得到時早啲入場搵下黎明，或者芝麻卷喇！
到時係咪搵到芝麻卷，就搵到黎明？（網上圖片）