【時令水果】果農教你點睇靚龍眼 中醫師籲一日勿吃多過10粒！
撰文：鄧穎琪
出版：更新：
雖然立秋剛過，但其實一般在大暑後的半個月才是龍眼當造期，今年香港有龍眼果園大豐收，開放予公眾入內摘龍眼，實為不錯的戶外活動！不過一般市民是否懂得揀龍眼？又是否知道一天的建議食用數目上限？
龍眼靚唔靚，唔可以用佢大小去斷定，有啲品種大，但係冇味。
位於荃灣大帽山腳的「大帽山農夫荔枝園」除了有荔枝外，亦有龍眼和蜂蜜等，負責人梁先生早前見收成理想，以$50任摘個半小時的價錢，讓公眾在園內60棵龍眼樹下享用「龍眼放題」！果農所種植的並非泰國龍眼，而是更勝一籌的石硤龍眼，他向記者親授揀龍眼秘訣。
按圖看清如何辨別「靚龍眼」：
龍眼食法多變，除了即摘即食，有人會曬做龍眼乾，又或是撈沙律、泡茶等。註冊中醫師倫中恩博士就指，相比起荔枝或榴槤等水果，龍眼性質溫和、味甘，理論上能補益心脾，有生氣血及安神作用，最適合心悸、失眠或記性差的朋友，以及供經後及產後的女士服用。
坊間有些謬誤指龍眼乾較燥熱，相反新鮮龍眼則能清熱，倫醫師澄清兩者分別說：「新鮮龍眼啱啱摘落嚟水份比較多，所以果汁多啲，乾龍眼就因為抽走咗水份，所以糖份濃縮啲，但分別唔大。但講到性能、功效，邊樣燥啲，新鮮會唔會清熱，其實兩者冇分別，新鮮龍眼係唔會清熱。」縱使食龍眼好處多，不過凡事物極必反，若食得過量就可能會有反效果！
不少女士愛用龍眼肉泡茶，例如配上紅棗和杞子，即成了一杯養血安神茶，適合寒底女士飲用。（資料圖片）
龍眼雖然唔算燥，但普通人一日頂盡食10粒好喇！
按下圖看醫師對龍眼的食用建議，哪類人不適宜吃。
《香港01》App，為你送上最新飲食情報、各式食譜、健康資訊
立即下載： https://hk01.onelink.me/FraY/hk01app