【西芹炒雞柳食譜】簡易家常菜20分鐘完成!加1樣食材令雞肉變滑

撰文:唐家儀
出版:更新:

中式簡易家常菜,好多時只需要將兩款食材炒拌即成。今次就帶來一款炒雞肉的菜式,加爽脆的西芹,成為西芹炒雞柳。過程只需要醃肉,再加西芹炒拌即成,可以說是零技巧的家常菜!
攝影、剪接:李賢華

雞柳本身無雞胸肉咁易炒老,用來做炒拌菜式最好。西芹好快熟,炒得耐反而會變黃和失去爽脆感,所以加雞肉後快炒即成。

煮食小貼士:如何令雞肉無咁易炒老,可於最後加生粉水,令肉質更滑身。
雞柳較雞胸肉無咁易炒老。

但不是每人都愛西芹,因為怕其有一陣草青味。想除去草青味,可以先將西芹加鹽,汆水後可減低草青味。那些因為草青味而不吃西芹的朋友們,可以試試!

健康小貼士:西芹,能有效地清腸胃和排便,是一款極高纖維的蔬菜。想清宿便的朋友,西芹是其中一款可以吃的蔬菜。
下鑊前,先把西芹斜切。
西芹炒雞柳食譜

相關食譜:【豆豉鯪魚炒油麥菜食譜】惹味拌飯家常菜 10分鐘極速完成

豆豉鯪魚炒油麥菜食譜

相關食譜:【蔬菜食譜】椒絲腐乳通菜鹹香惹味 15分鐘家常小炒

椒絲腐乳通菜食譜
食譜 西芹炒雞柳(炒)
材料 西芹2-3條、雞柳125克、蒜頭1粒
醃料 生抽1茶匙、生粉1/2茶匙、糖1/2茶匙、酒1茶匙、水少許
芡汁 豉油1湯匙、糖1茶匙、生粉1茶匙、水1茶匙
做法 1. 西芹洗凈,瀝乾水分,斜切粗條備用。蒜頭剁蓉。
2. 洗淨雞柳,切件,用醃料醃約15分鐘。
3. 燒熱鑊落油,炒香蒜蓉,再把雞肉輕微炒香。
4. 落西芹和芡汁,快手兜勻即成。
你可能感興趣