【減肥】蔣雅文實試低醣飲食10成飽兩周見效 分享減醣4大好處

撰文:
最後更新日期:

蔣雅文(Mandy)是許多人心目中的文青女神,不但樣子愈來愈靚,高瘦身形也讓不少人稱羨,彷彿跟「肥」字從來扯不上關係。不過Mandy近日就在影片透露,2017年底的時候,其體重高峰達到60公斤!最後她憑住「低醣」飲食方法,1年間健康地甩去8公斤,不但上落樓梯時變得步履輕盈,更發現減肥以外的3大好處!

蔣雅文(Mandy)除了長得標緻,想當年毅然放下演藝事業移民台灣,其勇氣更獲不少人欣賞。現年36歲的她早在2001年已經以模特兒身分出道,拍平面廣告外,亦參與《Y2K+01》演出,身高168厘米、纖瘦身形的她根本跟「肥」字沾不上邊。但原來她身上有不少鬼祟肉,2018年一度以「低醣」方法減肥的她,近日見身體隨住生活習慣鬆懈而再度變差,決心重新實行低醣飲食法,2星期立即見效,更拍影片解答網民心中的疑問!

蔣雅文在長達15分鐘的影片,詳細解答網民對於「低醣飲食」的疑問。(Instagram:yawen_j)

2017年尾,Mandy的體重保持在58公斤,加上本身屬水腫體質,肥起來體重高達60公斤,即使其他人看不出來,但對她來說卻不能接受,她解釋自己是局部肥胖,「我塊面係瘦、兩隻手都係瘦,上半身係冇肉,包括個胸。我肋骨都算明顯,但一去到條腰就開始『領嘢』,我算好容易水腫嘅體質,每日食乜嘢會出現喺我第二日嘅身型,同一條褲,我今日著同聽日著,係唔一樣。」

雖然Mandy自言2017年尾是其體重高峰期,不過可能是識襯衫,加上面尖尖呃到人,所以並不會覺得她肥。(Instagram:yawen_j)

去年她接近用1年時間減去8公斤,維持在大約52公斤左右,她坦言:「體重唔會起起跌跌,會好穩定喺嗰個數字,完全唔會捱餓,係一個好健康嘅比例。我亦冇必要追求再瘦,瘦到變骨咁。」不過因為今年初她的飲食再度放縱,間中回港歎美食,又去旅行大吃大喝,體重增加了4公斤,體質回復減醣前的情況,她月初就在Instagram公開向18萬網友承諾,表示要再實施減醣飲食!目前過了半個月,Mandy沒有刻意度腰圍和量體重,但已見到箇中變化!

蔣雅文強調自己採取的「減醣飲食法」跟「生酮飲食法」不同,而自己兩種都試過,後者反而令經期受影響、血氣不順,所以覺得前者較適合自己。Mandy相信每個人適合的方法都可能有所不同,「生酮要每一日吞咁大量油分落個肚,唔係一樣我有信心長久實行嘅方法。低醣係帶畀我最大好處,亦Balance到優點缺點嘅一種方法。生酮係好似短期談一場轟轟烈烈嘅戀愛,但係低醣就係搵一個對象結婚,好好地生活落去。

究竟她的飲食習慣有何特別?請按下圖參考Mandy低醣飲食法會吃到的減醣食品及Do's and Don'ts,當中許多都是粉絲們的常見問題!

其實蔣雅文跟時下少女一樣,都對珍珠奶茶情有獨鍾。但月初她就許下承諾,相中這杯將會是她暑假前最後一杯珍珠奶茶!而圖中Highllight了的那段文字,正是她今次採取的減醣方式,戒口同時每星期放自己一日假。(Instagram:yawen_j)

+11
+10
+9

除此之外,Mandy也特別說明自己的幾個法則。

.「戒糖」只是個形容,外食逃不了少量糖分,不可能滴糖不沾,我也不鼓勵太極端的飲食方式。

.戒口的包括澱粉、甜食、含糖飲料,但我會吃少量根莖類粗糧或低GI水果,另外也沒有戒調味料,但口味偏清淡。

至於其餘幾個她強調的要點,請參照相片右方的文字。(Instagram:yawen_j)

在歷時超過一年的減醣生活中,Mandy最大領悟是「身體係唔縱得!」她講起減醣頭一兩天身體沒甚麼特別,至第3日出現明顯低血糖反應,無法集中精神、昏昏欲睡、肌肉痠痛等,但她叮囑各位千萬不要在這個時候放棄,因為捱過之後,神奇的事情便會發生——身體會自行找到方法去適應你的飲食方式!她用生動的例子比喻:

你以前一日畀佢嘅零用錢係$100嘅,佢會使晒,覺得你老奉要畀咁多,但你今日同佢講『我畀你$20㗎啫。』過咗一個禮拜佢就會死死地氣認命。身體啱啱適應嘅時候,一定耐唔耐會扭計,但係起起伏伏大概一個月,你就會進入穩定嘅狀態,冇咗個醣癮,我去到1星期左右,痠痛已經冇咗,比平時再更加清醒。

減醣半個月後,她在Instagram跟網友報告進度,說自己每餐都吃到10成飽,仍能成功變瘦,勉勵大家減肥其實沒想像般慘。(Instagram:yawen_j)

只是短短一星期,她已經瘦了2公斤,有人指這些都是假象,減去的純屬水腫,Mandy卻笑言:「水腫都係肥吖嘛。邊個話水腫唔係先得㗎?睇落個人瘦咗就係瘦咗㗎喇,1個月之後我少咗4公斤,當然我知脂肪冇可能咁快消失,另一方面亦證實咗,原來我身體入面冇必要嘅水分係佔據咗咁多!」減肥辛苦捱過之後,最怕就是反彈,她表示:「低醣唔係一種節食,佢唔係用低卡路里令你脂肪變少,後段嘅脂肪減少亦都需要慢慢用時間去奮鬥,肥返返嚟嘅機會都比較低。

實行低醣飲食一段時間後,蔣雅文的身型更健康,手腳一如以往纖瘦。(Instagram:yawen_j)

Mandy不諱言自己當初是為了減肥才開始低醣飲食,但漸漸她身體出現各種變化,就連身邊人都察覺得到,父親更受她感染,由每餐3碗飯改成吃1碗飯。
以下就是她實試過後感受到的3大好處:

(1)皮膚變好:眾所周知食糖使人衰老得快,Mandy激動地確認這一點,她解釋:「佢唔係直接令毛孔變大,而係因為糖分令你嘅皮膚鬆弛、少咗支撐力,塊面拉長咗,變墮、水滴狀。戒糖之後我油脂分泌比較穩定,除咗毛孔冇變大,膚質、膚色、生粉刺同黑頭嘅機會都少咗。」

(2)炎症得到改善:她直指自己從前是發炎體質,基本上熬一晚夜必定會牙肉發炎,不過戒糖一整年,炎症都消失了,全年冇發作。

(3)情緒較平和:很多人靠食甜食解壓,甚至覺得戒醣使人情緒低落,但Mandy卻說:「醣係會令你有惡性循環,短暫減壓之後你會重新跌落嗰個低潮。低醣飲食之後,我情緒平靜到根本唔需要諗食糖減壓,情緒改變非常顯著,亦好推薦畀啲覺得自己有更年期迹象,覺得自己情緒起伏好大、好易發火嘅人。」

蔣雅文今年36歲,但化起淡妝的她膚質仍然非常好,原來減醣對收細毛孔都有幫助。(Instagram:yawen_j)

如果你對低醣減肥法還有疑問,可以再睇下圖看Mandy給網友的文字回覆:

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。