Anson Lo煎冬瓜後挑戰炒飯再鬧笑料 花姐驚嘆:連呢個都唔識用?

撰文:鄧穎琪
出版:更新:

MIRROR成員盧瀚霆(Anson Lo)的廚藝一直都麻麻,雖然在自己YouTube Channel一直有《神徒與教廚》分享煮食短片,但最為觀眾熟悉的卻是「原塊煎冬瓜」一幕。日前Anson Lo再挑戰廚藝,分享在日本餐廳鐵板炒飯的片段,儘管在師傅指導下都似模似樣,不過還是頻頻蝦碌,同場的花姐都不禁問:「可唔可以炒好啲呀?」

盧瀚霆(Anson Lo)人氣爆棚,還記得他在早前播畢的人氣劇集《大叔的愛》飾演廚藝了得的暖男「凌少牧」,將男朋友門檻提高到不得了,讓不少「前夫」(鏡粉的男友)大呻。不過,現實中的Anson Lo煮食卻常常鬧出笑料,除了將原塊冬瓜放落平底鑊煎之外,在《調教你MIRROR》中,他與姜濤、呂爵安(Edan)更並列「地獄廚神」,被主持人梁祖堯安排三位跟他認真學煮「咕嚕雞球」給隊友品嘗。

姜濤、Anson Lo和Edan三位被指是MIRROR中的地獄廚神,曾在《調教你MIRROR》中結伴買餸及烹煮咕嚕雞球。(影片截圖:ViuTV)

Anson Lo唔識用扭扭鹽樽嚇親花姐

昨日(8月3日),Anson Lo就在Instagram上載一條炒飯短片,在日本餐廳大廚指導下,用鐵板煮櫻花蝦炒飯,似乎想一雪前恥。說實話炒飯看起來都似模似樣,但好幾次還是甩轆,例如連扭扭式鹽樽都不懂用,花姐都嚇親並問道:「你連呢個都唔識用呀?」Anson Lo更表示冇人想食自己的炒飯,當場扁嘴,各位「神徒」又想試嗎?

請按下圖睇Anson Lo鐵板炒飯的搞笑片段:

+14

Edan留言:Danger!

儘管Anson Lo謙稱冇人想食這個炒飯,但當他在Instagram出Post留言:「Anson Lo呈獻『Anson Lo炒飯』」,問有冇粉絲想試食時,反應就非常熱烈。短片一夜間已獲逾10萬神徒讚好,過5千個留言,很多粉絲都以「煎冬瓜」洗板,相當搞笑。最重要是Edan搶閘留了句「Danger!(危險)」根據過往經驗,Anson Lo下調味料時總是太重手,所以有神徒就留言:「大佬我見到你落鹽我好驚,幾驚你又成支倒落去,真係洗腎都唔掂。」

雖然Edan都是出名的「地獄廚神」,但對於Anson Lo的炒飯,他很快就留言:「Danger!」(Instagram截圖:ansonlht)

請按下圖睇更多網友留言:

+10

重溫原塊冬瓜落鑊煎

從今次炒飯所見,其實Anson Lo廚藝已進步不少。要數到Anson Lo的經典傑作,必定是他邀請廚藝同樣半桶水的Edan上其YouTube節目中較技,大煮暗黑料理。自稱讀書時是「家政學會主席」的Anson Lo,當日獲安排用冬瓜、八寶粥、荔枝、冬菇等食材去做菜,結果不懂得煮冬瓜要跟母親求救,還將原塊冬瓜落鑊煎。

Anson Lo曾跟Edan比拼廚藝,但他卻要打電話問母親:「我想問冬瓜本身係咪生㗎?係咪唔使煮都食得?」(YouTube影片截圖:Anson Lo)

請按下圖睇更多Anson Lo示範過的菜式和花絮:

+12

無論Anson Lo廚藝如何,也無損他的魅力。若想睇更多Anson Lo靚相,請按下圖:

Anson Lo出完炒飯Post後沒多久,電話就發生故障,他被逼暫別網絡世界近24小時,一維修好電話後就馬上再Post靚相向「神徒」報平安!(Instagram:ansonlht)
+15