【日本京都】嵐山小火車景點懶人包 嵯峨亀岡各站睇紅葉睇櫻花

撰文:
最後更新日期:

除咗東京、關西等熱門嘅賞櫻、賞楓景點之外,嵐山都係其中一個好受歡迎嘅地方,當中嘅嵐山小火車更加係搶手嘅觀光列車!想知點樣買飛、沿線有咩景點,即刻睇睇行程懶人包!

每逢賞櫻或者賞楓呢啲旺季嘅時候,嵐山小火車都係一票難求。(VCG)

嵐山小火車好搶手?

每逢賞櫻或者賞楓呢啲旺季嘅時候,嵐山小火車都係一票難求。如果想成功買到飛,可以早啲計劃行程,出發之前上網預訂嵐山小火車套票,仲可以事先揀場次、日期;唔洗排隊,或是到現場先臨急臨忙買套票;另外揀有保津川遊船嘅套票,套票仲可以揀海外/日本郵寄。

嵐山小火車簡介

嵐山小火車同嵐電係唔同嘅,嵐山小火車係嵯峨野觀光鐵道推出嘅觀光列車,總共有四站,分別係嵯峨站、嵐山站、保津峽站、亀岡站。

嵐山小火車沿途車站(KKday)

如果想去嵐山小火車,主要有兩種方法:

JR 嵯峨野線,坐到馬堀,再步行去亀岡站

坐嵐電(京福電鐵),到嵯峨站

嵐山小火車沿途景點

嵐山小火車嘅四個車站都有唔同景色,而嵐山站嘅景點較多,所以通常喺呢個站落車嘅旅客比較多,小編都整理咗各車站嘅景點。

【嵯峨站】

嵯峨站係以紅色磚瓦建造而成,車站入口隔嚟有一個19世紀廣場,入面有D51型蒸氣火車頭、車輪造型嘅紀念碑。19世紀廳入面有咖啡室,同管風琴、大鍵琴嘅擺設,結合復古味同文藝氣息,影相、打卡就最啱!如果你係鐵道迷,一定要去日本知名嘅鐵道立體模型館 — 立體京都模型JAPAN館,呢度有超精緻嘅立體清水寺、金閣寺模型,買入場卷嗰時出示小火車票仲可以平100円!

【嵐山站】

觀光客最熟悉嘅嵐山站有好多景點,好似係竹林之道、常寂光寺、野宮神社、龜山公園等等。另外渡月橋、嵐山公園等更加係賞楓、賞櫻嘅熱門地方!除了呢啲必去景點,仲可以順便喺嵐山大街食野或者買手信。

【保津峽站】

保津峽車站,係「近畿車站百選」其中一個車站,景色非常靚。當嵐山小火車穿過保津峽山谷,仲可以見到其他人喺保津川遊船河。

【亀岡站】

亀岡站係嵐山小火車嘅終點站,如果想體驗保津川遊船,就要喺呢個站落車,再轉巴士。如果不想遊船河,都可以喺亀岡站附近踩單車。

 嵐山小火車沿線各站景色

+6
+5
+4

路線要點樣安排?

如果對嵐山好陌生,又未規劃過賞櫻路線,覺得無從入手,也可以參考下KKday嘅推介嵐山小火車旅行路線。

路線一:

由京都出發,搭乘JR嵯峨線到JR嵯峨嵐山站 → 小火車嵯峨站購票(鄰近JR站)→ 去嵐山景點行下 → 再到嵐山站搭嵐山小火車遊覽保津川溪谷 → 小火車龜岡站落車

適合對象:

想搭JR去嵐山玩嘅旅客

回程方式:

方法一:步行約10分鐘,到JR馬堀站上車,去JR京都車站

方法二:搭小火車原車返去嵯峨站或嵐山站 (要預先買來回車票),再轉搭JR、阪急嵐山、嵐電返去京都

方法三:搭保津川遊船返去 (要預先喺嵯峨站買船票),再轉搭JR、阪急嵐山、嵐電返去京都

嵐山沿途超美景色

+39
+38
+37

路線二:

JR京都站搭嵯峨野線 → JR馬堀站落車 → 步行約10分鐘去小火車龜岡站買車票 → 搭小火車開始遊覽保津川溪谷 → 到小火車嵐山站 → 喺嵐山各景點參觀

適合對象:

想先搭嵐山小火車,再去嵐山玩

回程方式:

行完嵐山之後,可以直接搭乘JR、阪急嵐山、嵐電返京都

路線建議(KKday)

【嵐山小火車景點安排方式】

(1) 可以先由竹林之道,經野宮神社,再去嵐山大街,行完嵐山大街再去天龍寺,最後經渡月橋去嵐山公園。

(2) 想先由竹林之道去天龍寺,記得要喺北門入去再喺北門出嚟,如果唔係就會直接去咗嵐山大街。

(3) 都可以先喺嵐山公園賞櫻,再經渡月橋去嵐山大街,行完嵐山大街之後,再經天龍寺嘅正門去天龍寺,再由北門經竹林之道去野宮神社;或者揀嵐山大街→ 野宮神社 →竹林之道→天龍寺嘅路線。

如果係賞楓期,小編建議大家可以去常寂光寺或者龜山公園,呢兩個地方都係賞楓嘅熱門景點。以上就是KKday為大家整理的嵐山小火車攻略,趁著出發賞櫻、賞楓前趕快熟記!

【本文獲「KKday」授權轉載。】



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。