行山|港島4條新手靚景打卡路線 大潭水塘石橋、紅香爐峰睇日落

撰文:
最後更新日期:

天氣涼爽最適合行山郊遊,呼吸新鮮空氣兼影相打卡!擔心靚景路線太難行不適合新手?《香港01》旅遊記者推介港島4條靚景新手路線,最快1小時就行完,包括寧靜水塘景、維港海景、日落美景都有,全部都適合影相打卡!

【路線1】輕鬆易行兼睇日落@西高山

港島西高山是一條明星路線,全程都是平坦的石屎路,只有少量樓梯,新手都無問題。登上西高山觀景台後可以飽覽維港西部、對岸的西九龍景色,最遠甚至望到獅子山,黃昏前後登山更可以觀賞日落美景!點下圖即睇沿路風景、推介打卡位📸👇👇

🌄🌄🌄西高山🌄🌄🌄

路線:香港大學 --> 克頓道 --> 西高山 --> 夏力道 --> 山頂廣場

全長︰約5.5公里

起點:港鐵香港大學站A2出口

終點:原路折回至夏力道,沿夏力道行至山頂廣場

預計時間︰約2.5小時

【路線2】最快45分鐘行完睇埋日落靚景@寶馬山紅香爐峰

北角寶馬山的紅香爐峰近市區,大部分路段斜度較低,適合新手,最快一小時便可登頂。山頂位置景色開揚,可以飽覽270度維港海景,更可望到九龍一帶景色。天氣情況許可的話,紅香爐峰路線更加可以觀賞日落美景。點下圖即睇沿途風景、打卡位📸👇👇

🌅🌅🌅寶馬山紅香爐峰🌅🌅🌅

路線:畢拉山道 --> 金督馳馬徑 -->紅香爐峰--> 寶馬山道聖貞德中學

全程:6.5公里

起點:港鐵金鐘站乘搭小巴24M至總站畢拉山道

終點:聖貞德中學

預計時間:約2.5小時

【路線3】寧靜水塘景、百年石橋打卡@大潭水塘

港島南的大潭水塘是戰前水塘,路程較長但輕鬆易行,途中經過多個寧靜的水塘、百年石橋,處處都是打卡位。不少行山人士都選擇站在石拱橋上打卡,以水塘做背景影相留念。點下圖即睇沿途風景、打卡位、構圖技巧📸👇👇

🌊🌊🌊大潭水塘🌊🌊🌊

路線:柏架山道自然徑 --> 大潭上水塘 --> 大潭副水塘 --> 大潭道

全長:8.5公里

起點:鰂魚涌站糖廠街出口走向柏架山道自然徑

終點:到達大潭道可乘搭14號巴士前往西灣河

預計時間:約3小時

【路線4】最受歡迎行山徑遙望大浪灣@龍脊

港島東部最人氣的一條行山路線 —— 龍脊,全長8.5公里,最高點的打爛埕頂山觀景台可以360度觀賞石澳、大浪灣,以及港島東部海域景色。不過對新手來說,要行畢整條龍脊路線需要一定程度的體能,建議終點設於歌連臣山。點下圖即睇沿途風景、打卡位推介📸👇👇

🐉🐉🐉龍脊🐉🐉🐉

路線:土地灣村 --> 打爛埕頂山 --> 雲枕山 --> 歌連臣山

全長:7公里

起點:筲箕灣站A3出口乘搭9號巴士到達土地灣站下車

終點:中途近歌連臣山沿著山徑離開

預計時間:2.5至3小時

想知更多有助放鬆心情嘅香港好去處,例如離島、沙灘、單車、郊遊路線,click 入專頁睇更多推介!👉👉👉香港好去處|假日郊遊、離島放空、單車路線、食玩打卡|不斷更新

😍😍 同場加映:新界5條靚景新手行山路線 河背水塘港版竹林小徑、下白泥睇日落 😍😍

新界也有不少適合新手的靚景打卡路線,全部都是三小時內行得完,包括大欖郊野公園的河背水塘、馬鞍山至昂平高原、千島湖清景台等。河背水塘主要是平坦石路,只有一段斜路,最快1小時即可走完,仲可以打卡港版竹林小徑!點下圖即睇打卡位及風景📸👇👇

想知仲有甚麼好去處,立即點擊內文👉👉新界5條靚景新手行山路線 河背水塘港版竹林小徑、下白泥睇日落



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。