【不斷更新】不論冷暖都要飲 終極一掃全港最hit茶飲店
最近約Friend飲嘢，總係台式飲品最啱大家口味！當然啦，依家街頭嘅茶飲店開到成行成市，奶茶、綠茶、紅茶同水果茶已經係基本，做得最強人氣茶飲店，除咗飲品有特色，味道一流之餘，飲品賣相都好吸引，忍唔住都要「相機飲先」！咁多間之中又有乜嘢好選擇呢？
九龍灣、銅鑼灣 | 茶里
賣點﹕茶里(CHALI)自設茶園，用上乘高品質天然原葉同新鮮水果調配飲品，保證「零」添加，成為高端茶飲之選
招牌﹕雪芝桂花烏龍、Bing Bing茶、西柚泡泡茉莉綠茶
台中當紅茶飲
太子 | 花甜囍室
賣點﹕自家茶園出產茶葉、自選珍珠軟硬度
招牌﹕花現黑糖愛珍珠、小柚柚茉莉綠茶
必試1 | 花現黑糖愛珍珠
奶茶底選用明治4.3特濃牛奶及自家茶園出產茶葉，黑糖珍珠甜度適中、軟硬度更可按口味自行選擇!
必試2 | 小柚柚茉莉綠茶
小柚柚茉莉綠茶是性價比極高，西柚新鮮即切，只取果肉部分，而果肉間的膜會去掉，除去西柚苦味。
必試3 | 好暖系列 - 薑茶
天氣轉涼，花甜囍室嘅好暖系列就最啱冬天，呢個系列每款飲品都加咗薑汁，有效驅寒㗎!
天后 | 輕．時光
賣點﹕幼園教師放棄教職，用盡50萬積蓄，轉型開設鮮製水果乳酪店，主打無添加健康飲品
招牌﹕芒果優格蓋茶、紫薯時光、超級水果茶
獨家首創招牌果蓋茶
觀塘 | I.Tea概念果茶
賣點﹕進口新鮮水果、台灣茶葉、澳洲芝士上等原材料製作飲品
必試1 | 招牌水果茶
飲得多奶茶、芝士奶蓋，間中轉轉口味飲水果茶感覺輕盈得多！水果茶相對無咁邪惡，食完飯飲返杯可以消消滯，呢間嘅水果茶選用當造水果，百分百新鮮健康！
必試2 | 芒果層層疊
同飲品名一樣一杯好高身！用綠茶做茶底底，配新鮮芒果打出嚟，杯面上加咗忌廉，仲有足料原粒芒果，芒果控必試！
必試3 | 芝士西瓜
即叫即開原個小西瓜，果肉加上口感creamy 芝士，從來無諗過呢個紅白配可以咁夾！
治癒心靈！喝得進肚的星河
旺角 | 茶滿滿
賣點﹕使用蝶豆花作天然色素、調製出外型滿分星空系列產品
必試1 | 起司奶霜歐蕾可可
可可同芝士向來就係絕配，可可奶霜順滑，厚層芝士令口感更rich更有層次！
必試2 | 紫薯鮮奶
紫薯真材實料，飲到紫薯蓉，一杯就夠晒飽肚！
文青風IG熱門打卡點
灣仔 | BaBo The Drink Shop
賣點﹕啱啱10月喺台灣新開業嘅BABO，香港亦火速同步上線！主打紫薯拿鐵珍珠，紫薯味香濃，彩色嘅手工珍珠煙韌，仲有抹茶、拿鐵加棉花糖等多種Topping同口味選擇！
必試1 | 少女夢幻泡泡
以Sparkling Water做底 ，再加入玫瑰同荔枝，聽名都感受到初戀嘅甜，淺粉紅色拎起手仲靚過名店包包！
必試2 | 精靈之血
竹炭粉溝奶茶不經意撞埋形成漸層，底部加咗法國玫瑰糖漿，生得靚一靚都有機會俾杯drink搶鏡，唔信﹖要試試看！
每日新鮮蒸煮! 芋頭紫薯口感正
上環 | 品茶六境
必試1 | 紫醉迷情 (紫薯鮮奶)
每日新鮮蒸製嘅紫薯芋頭，加入鮮牛奶，簡單嘅配搭讓您於紙醉金迷嘅中上環初嚐．甜。
必試2 | 六景果茶
店方特以港式茶底泡浸百香果、蘋果、橙、西瓜、西柚及檸檬等六種水果，純睇文字，也頓覺夏日氣色。
必試3 | 夜幕星晴 (黑糖珍珠奶茶)
黑糖與珍珠碰撞，奶茶味仍「有掟企」，絕非虛有其表，搭配星空之名，小編私人再加10分，滿分！
大人氣過江龍！Colorful果味珍珠
九龍城、元朗 | 良辰吉時
賣點﹕台灣藝人納豆創辦、每天鮮製4款果味珍珠
必試1 | 啵爆黑糖厚鮮奶
用100%日本明治鮮奶，黑糖同珍珠新鮮煮出嚟，飲落熱熱地，啱晒依家涼涼地嘅天氣飲!
必試2 | 宇治抹茶玉露鮮奶
手工抹茶珍珠口感好有層次，加埋京都宇治抹茶粉嘅甘苦味同鮮奶絕妙融合～
必試3 | 愛情動作草莓牛奶
粉紅草莓沙冰嘅賣相充滿少女味道，草莓牛奶幼滑甜美，沙冰加入草莓切片，仲飲到粒粒草莓籽，夠晒浪漫！
觀塘海濱！寫意呷茶看夕陽
觀塘 | T4清茶達人
賣點﹕茶底採用台灣松柏嶺原生翠玉清茶、全球過百分店遍布英美東南亞
必試1 | 玫瑰清茶
用上半熟成發酵嘅高山清茶為主調，飲到一份清爽嘅茶香，係店中最暢銷飲品！
必試2 | 珍珠奶茶
呢杯看似平凡嘅珍珠奶茶，但用嘅珍珠就大有來頭，選用超過30年老字號嘅粉圓製造廠出產嘅珍珠，口感煙韌！
以可愛動物卡通宣揚快樂、環保理念
大埔 | Happitea
賣點﹕台式珍珠奶茶及港式雞蛋仔
招牌﹕椰香惡魔波霸
歌手陳凱彤 x 本地插畫師! 主打健康港式風味
荃灣 | 大家姐茶 BIG SISTER TEA
賣點﹕本地新鮮製造、用上乘茶葉調配
招牌﹕白桃烏龍、玫瑰普洱茶、朱古力芝奶蓋
必試1 | 黑糖珍珠十字奶茶
呢杯飲品特別選用十字奶，奶味相當濃郁，加埋超彈牙嘅黑糖珍珠，味道超夾!
必試2 | 熱茶
身邊朋友都鍾意飯後飲番杯台式奶茶，唔嗜凍嘢同甜嘢嘅，養生啲飲熱茶就啱哂，既保暖又解膩，仲有各種花茶、紅茶、青茶、草本茶任君選擇！
100% 手調原味茶! 天然平價之選
觀塘、九龍灣 | 清玉
賣點﹕採用上等茶葉、天然蔗糖及新鮮現榨食材
招牌﹕招牌翡翠檸檬茶、炭培烏龍茶、蘋果冰醋
誠意滿分！全人手搓珍珠粒粒皆辛
旺角、元朗 | 春風撞奶店、春風三月
賣點﹕店方手工即造珍珠、香港首家以撞奶為主題的茶飲店、每杯獨立茶包
招牌﹕奶蓋Baileys紅茶、黑糖青蛙撞奶
港大名物！回甘在細節
西環 | 了不起果茶店
賣點﹕茶底採用台灣高山茶、冷泡茶經8小時低溫濾滴
招牌﹕珍珠烏龍拿鐵、炭焙烏龍冷泡茶、三燻翡翠冷泡茶
少女心爆發！呃LIKE一流
元朗 | Scaredy Cat
賣點﹕粉色系Pastel雪糕、色彩鮮艷的雪糕fusion飲品
招牌﹕黑糖鮮奶珍珠、美人魚之淚、漸層Iced Lemonade Tea