【奶蓋熱飲】東喜茶 4 間分店為你送暖!

撰文:
最後更新日期:

芝士奶蓋茶可以話係近年最熱賣嘅茶飲,幾乎間間台式茶飲店都有得飲,其實掀起呢股芝士奶蓋飲料熱潮嘅係「東喜茶Heeretea」!以前飲水果茶或者鮮果汁,點會諗到加芝士一齊飲會係咁夾呢,而作為芝士奶蓋始祖,東喜茶嘅芝士奶蓋的確夠厚夠細密幼滑,試過一次就會返唔到轉頭!東喜茶自上年登陸香港至今,已經有十幾間分店遍佈港九新界,4間分店率先喺e肚仔上線,荃灣、佐敦、尖沙咀同銅鑼灣嘅街坊同朋友想去打卡就唔洗排隊!其他分店亦即將上線,密切期待~

-> 立即下載e肚仔 捉緊嘆奶蓋黃金時間

個個都飲奶蓋,唔通個個都識飲奶蓋咩!飲芝士奶蓋都有特別技巧架,如果飲完咀唇沾上一層綿白奶泡就係正確嘅飲法,東喜茶店員每次都會教奶蓋嘅方法,首先打開一邊揭蓋,將杯打斜45度,咀唇貼住杯邊慢慢等奶蓋溜入口中,就會品嚐到奶油嘅柔滑質感,之後先插入飲管輕輕攪拌飲用。

芝士火火

東喜茶出品嘅芝士奶蓋足足有至少2cm厚,就算飲到一大半都仲飲到奶蓋,除咗飲到芝士嘅鹹香,仲有鮮奶嘅味道。好多人都怕芝士奶蓋會膩,但配上石榴、火龍果、青茶就剛好可以中和芝士嘅飽滯感~

東喜茶

荃灣荃興徑10-18號富榮大廈地下3號舖

佐敦白加士街37-39號地下A號舖

尖沙咀科學館道14號新文華中心地下30-33,35-36B號舖

銅鑼灣登龍街18號V-Point地下3號舖



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。