【團年飯預訂】小麥芽賀年糕點上線!

撰文:
最後更新日期:

話咁快又過年喇,上門拜年人到禮到,除咗禮盒,係時候準備定賀年糕點招呼朋友,怕肥又注重健康嘅你,今年可以試下小麥芽嘅賀年糕點,呢間自家製素食糕點標榜純素、低糖、低脂、 低鹽,糖尿病者都啱食,而且不含蔥蒜,無添加化學味精、防腐劑同人造色素,真正全天然食出原味!

立即下載e肚仔 訂購賀年美食

另外,相信好多人都鍾意同家人朋友齊齊喺屋企食團年飯,想喺屋企大排延席又唔想搞到廚房一頭煙,今年就有多個選擇!坊間嘅外賣派對到會不外乎大眾口味嘅Pizza、意粉、壽司,如果質素不似預期就食得唔盡興,e肚仔就嚴選咗最佳食味嘅預訂店,集合高級壽司、盆菜、海鮮煲,App內嘅預訂餐功能已經啟用,可以提早一個月預訂到會套餐,睇啱即時用App預先落單,Party當日先去拎,就算留喺屋企都可以有頂級享受!

【健康之選】- 小麥芽
今年想食健康啲,可以揀小麥芽嘅純素賀年糕點,除咗原味蘿蔔糕之外,仲有五香芋頭糕、文冬薑增城蔗糖年糕、馬蹄糕、仲有加入玫瑰花、南瓜、羅漢果等食材整嘅糖年糕,包保親朋戚友都未食過!

小麥芽
香港九龍新蒲崗大有街32號泰力工業中心17樓13室

【和風之選】- 冠味和食
一向為酒店提供高級食材嘅「冠味和食」,除咗壽司拼盤,近日仲推出超豪華嘅「海膽套餐」,嚴選多款由日本築地市場直送嘅時令海膽,包括馬糞海膽同紫海膽,啱晒海鮮刺身控!海膽嘅選擇,都係宜家最當造,夏季會混入矜貴嘅蝦夷馬糞同赤海膽,而宜家冬季就會有白海膽~
搵食姐推介佢嘅「極上日本海膽盛宴」,拼盤上層係舖滿馬糞海膽同紫海膽嘅海膽飯,一客鹽水海膽同一客北海道帆立貝海膽刺身,另有2-3隻原個海膽,一盤夠4至6人分享!

冠味和食
葵涌大連排道21-33號宏達工業中心13樓1316室

【鮮味之選】- 三品漁翁
冬天想食啲暖身嘢,海鮮湯煲、盆菜都係唔錯選擇,「三品漁翁」推出預訂餐連送貨服務,大大盤龍蝦海鮮盆菜、新鮮虎蝦海鮮煲,成家人圍住食夠晒滋味!龍蝦海鮮盆菜配料豐富,除咗有350g大龍蝦,仲有北俄螺、海鱸魚、鮮鮑魚、章魚腳、虎蝦等等十幾款罕見珍貴海鮮,推廣期免費送法國紅酒或白酒,自取盆菜更會送桂花海鱸魚或珍珠斑一條!

三品漁翁
葵昌路78-84號富都工業大廈5樓515室

【東瀛之選】- 大壽司(長崎派對)
出名大件嘅壽司店「大壽司」推出預購食物,由刺身、日式炸物、小食、熱食烏冬、伴飯至甜品大褔都有,啱晒年輕一族開Party訂購!壽司舊舊都有拳頭咁大,刺身每塊都好厚切,所以訂購份量可以叫少啲,一次過試多啲款式!

大壽司(長崎派對)
西灣河筲箕灣道41號

【泰式之選】-  亞萊嘜嘜泰越小廚
到會少有越南泰國菜, 呢間泰越菜館喺荃灣元朗分店都係人氣十足,CP值甚高,聖誕新年嚟一個泰越風味派對,相信會搏得大家一讚「Aloy Mak Mak」(泰文意指「美味」)~10-20人外賣套餐包括泰式風味菜,越式小食,小炒,咖哩,蔬菜同甜品,搵食姐推介食招牌香芒蝦球、無骨豬手、五味拼盤!

亞萊嘜嘜泰越小廚
荃灣青山公路163-174號昌耀大廈2樓

【BBQ之選】- 點點鮮
有無諗過喺屋企燒嘢食?仲要係燒海鮮?識嘆一定係叫點點鮮海鮮速遞,可以燒可以蒸,一味兩食夠晒滋味!必叫四大國名產美國花龍、泰國基圍蝦、沙巴龍躉同日本元貝,每日直接由批發商取貨新鮮到港,唔點醬油食海鮮嘅原汁原味仲好!訂購海鮮盛宴可以優惠價換2層蒸鍋,榴槤控仲可以嘗鮮價換購5種珍貴榴槤盤!

點點鮮
觀塘茶果嶺道157號地下
旺角花園街街市地下F10鋪

立即下載e肚仔 訂購團年菜



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。