【DSE】80後通識教師實戰體會學生困難:原來我都會寫唔晒

撰文:何敬淘
出版:更新:

2017年4月3日,一群考完通識科的考生離開試場,當中包括一位身穿深藍色衛衣的大男孩:田方澤。
和大部份考生一樣的,這次是他第一次應考,而不同的是,身為80後的他其實執起教鞭已有6年,近年主力教授通識科;但他都不敢奢望好成績:「你搵個足球教練落場踢波,都唔代表踢得好過個現役球員。」而今次「教練」落場原來想親身了解學生面對甚麼困難。
田方澤最深刻發現,通識科以至新學制的文憑試,不是死記硬背就可以,「大人真係唔好講,你做得唔好,只係你唔夠勤力,呢句真係好hurt(傷)學生!」

80後通識教師田方澤應考通識,同樣體會到學生難處:「原來我都會寫唔晒。」(何敬淘攝)

田方澤平日教通識,改通識試題都改過數百題,但原來落場一刻,策略知易行難,落筆亦方寸大亂:「以前唔能夠理解,你話寫唔晒,我以前(高考)都係咁寫啦,3個鐘寫廿版都係咁寫啦;你話句主題句同下面唔對嘴,有個大綱就無問題啦;但我真係發現,原來我都會面對時間緊張的問題,有一兩題我發現寫寫吓同個主題句唔對!」

而令他決心應戰正是感受一下學生面對的難處:「原來我自己去考都會寫唔晒。」

【DSE專頁】2017文憑試考卷分析 答題重點 考生心聲

教改後不再死記硬背 唔係勤力就可以考好試

今次經驗,如何影響日後教學,他坦言還需時間沉澱,但親身落過戰場,田方澤最深感受的,是教改後力推的通識科,的確不再是死記硬背,而是要學生在時限內,展示他們處理資料和多角度思考的能力,是回應整個社會轉型所需要的才幹。

不過代價卻是努力不再一定有回報:「我接觸的大人都會話,他(學生)只係唔夠努力,努力啲就會做到,『好似我地以前讀書都乜乜乜』但我真係覺得依家的考試制度,好講個人轉數快唔快,好講語文表達,我們以前勤勤力力就唔會考得太差,但依家已經唔係你勤力背咗佢就可以考好個試。」

他憶起有努力過的學生,結果還是不行:「真係有學生好勤力,堂堂抄足notes(筆記),返屋企溫書,用兩晚咪essay(長題目),但他真的做唔到。」

今年有5.5萬名學生應考通識。(鄭子峰攝)

勤力不一定有回報仍撐必修通識
田方澤誠言,當勤力不保證有回報,不只學生,連老師也有點無助,但這個想法沒有打擊田方澤對通識作為必修科的認同,「我們發現社會愈來愈複雜,我們的同學是否需要及早去了解我們的社會?」他指通識的教學內容,正是年青人應該關注,亦培養他們日後所需要的分析技巧,「通識科是幫同學處理政治爭議的一個好好的方法。」

新高中課程仍是空中樓閣

但他強調,通識科也好,文憑試也好,都不過是整個教育系統的一片拼圖,而更重要的是,同學日後出路的問題。新高中課程所強調的「多元出路」在田眼中依然是空中樓閣,連文憑試「勝出」的一群也沒有甚麼保障:「有學生同我講,成日講讀唔到大學無出路,但唔通我讀到大學就有出路咩?我真係答佢唔到,10年前我都覺得我讀完大學會有個優勢,但對他們這一代人,我真係答佢唔到,但又有多少大人明白(他們的處境)?」