【鄭秀文演唱會】帶鐵樹蘭Rock爆紅館 重金屬《煞科》你聽過未!

撰文:
最後更新日期:

Sammi鄭秀文不時也會與各類型的音樂單位合作,為樂迷帶來驚喜。而今年則選擇與Sunny@Supper Moment的另一樂隊「鐵樹蘭」合作,不但聯乘推出新歌《Power of Love》,更將他們帶上紅館舞台。接連演唱《男仕今天你很好》及《叮噹》後,Sammi介紹鐵樹蘭出場:「好多人都會將音樂分做流行同地下音樂,而唔知點解一啲重金屬音樂就會經常被分類為地下音樂,不過我覺得紅館嘅舞台係屬於所有類型嘅音樂!」

鐵樹蘭出場,與Sammi合唱《Power of Love》和《煞科》 。唱到metal版《煞科》時,Sammi親自打鼓,Sunny更為歌曲加上一段rap及scream,雖然與歌曲原版截然不同,卻毫冇違和感。

Sammi同鐵樹蘭合唱新歌《Power of Love》,現場Rock到核爆! (葉志明攝)

+3
+2

稍稍間場,Sammi再唱出《浮雕》及《衝過去》,這部份的張力甚強,Dancers穿上「石頭裝」演出一段戲劇味十足的舞蹈,而Sammi更唱到跪地以展示無力感,唱到《衝過去》時,更吊威也到半空,暗喻當年走出情緒陰霾。

一連再唱出與信仰有關的作品,《Creo en Mi》及《信者得愛》,今次《信者得愛》Rap的部份更換上Shimica黃宇希,女性力量展現無遺,全場觀眾也企起來「It's so high high high~」

呢個部份相當有張力! (葉志明攝)

+5
+4
+3

再換上十字架黑色裙,傳說中的「Nike眉」重現江湖,更混合了angry bird的風格。Sammi上台唱出情歌Medley,當中全是大熱作品,包括《最後一次》、《理想對象》、《不拖不欠》、《如何掉眼淚》、《如果你有事》、《親密關係》。Medley中包括了戀愛中的失落、緊張、溫馨,就像見證一段關係的演變,離合後又大團圓。唱歌中途,Nike眉脫落,Sammi笑説:「今次係廿幾年前Nike眉嘅復刻版,原來成Part都甩咗,真係醜死,聽晚都係唔整啦。」

她又表示為了今次演唱會花了不少心力,首場演出亦令她滿意:「其實我都唔算跳得少,尤其膝頭哥傷咗,未百份百好返嘅,有咁嘅演出我自己都幾滿意!要多謝威也師傅,雖然好似吊上去冇乜嘢,但其實都排咗好多次。好多大家未必察覺嘅地方,我都花咗好多心機,例如我換衫嘅時候播嘅片、開場嘅Marching Band、仲有開頭嗰Part慢歌嘅28位演員,其實齋計嗰一Part已經洗咗百幾萬,係好貴!所有嘢都係好精心為呢個演唱會而設。」

Nike眉重出江湖! (葉志明攝)

甩眉過程逐格睇
+4
+3
+2

熟悉鄭秀文的樂迷也知道,Sammi是相當重視教會中的弟兄姊妹,今晚她便邀請了薛凱琪同台合唱一曲《上帝早已預備》。合唱前,Sammi在台上感言:「呢首歌對我自己嚟講係非常重要,喺我嘅生命中,信仰畀到我好多力量,無論喺我人生嘅高潮或者遇到一啲好大嘅困難,覺得撐唔到落去,信仰好多時都畀到我好大嘅力量。」

今次搵嚟好教友Fiona薛凱琪合唱《上帝早已預備》。 (葉志明攝)

更多演唱會精采時刻
+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。