新歌Rap情侶鬧交網民鬧垃圾 駱胤鳴:小rapper能夠被批判係幸福

撰文:
最後更新日期:

自從去年內地節目《中國有嘻哈》爆紅後,香港再度興起Rap文化,而歌唱比賽出身的唱作歌手駱胤鳴(烙印),近日就與「MC國敬」,即商台前DJ科林推出新歌《十萬個激嬲我的理由》,二人包辦作曲及填詞,邊Rap邊講男女朋友吵架之間的對話,不過歌曲不但未有引起歌迷共鳴,更有不少網民炮轟歌詞空洞,「用晒啲網絡潮語做歌詞已經好out」,又批評二人唱功,「首歌幾好玩,換咗兩個主唱應該會順耳好多」。

近日有網民批評駱胤鳴與科林的新歌不堪入耳。(《勁歌金曲》截圖)

+10
+9
+8

日前一名男網民在facebook專頁「文人多說話」發文,指看過烙印及科林在節目《勁歌金曲》演唱新歌後,直斥「好耐未聽過咁垃圾嘅歌」,他稱雖然「香港已經冇咗音樂市場」,但2位歌手、作曲、作詞、編曲「都係十幾年來最差勁最冇誠意」,批評歌詞「用晒啲網絡潮語做歌詞已經好out」,「仲要rap同唱都咁難聽」,認為現時的歌手只會盲目跟隨網絡文化,「完全冇創意」。

不少網民見狀,紛紛留言表示認同,「只能承受十五秒爛歌嘅衝擊」,認為歌曲旋律及編曲太平淡,烙印的唱腔又太「雞仔聲」,「換咗兩個主唱應該會順耳好多」,而且「rap嘅style又好out」,寧願聽鄭少秋的90年代經典Rap名曲《香港料理》。不過,亦有網民大讚烙印的曲詞不俗,「係條仔爭啲」,又稱不明為何科林要改名做「MC國敬」唱歌,「仲要竟然有人真係當佢係歌手」。

駱胤鳴大方表示有人提及自己的歌曲已經很開心。(資料圖片)

面對網民劣評如潮,烙印接受《香港01》訪問時大方表示,一直以來很用心寫Rap詞如《520》,「但好唔好聽,有冇水準等,都冇人提過,依家首歌聽到有人提起已經好開心啦!」她指今次玩得網絡熱話題材,「預咗畀人話,內心夠強大就夠。」烙印又坦言Rap的世界充滿住批判,「我呢啲小rapper能夠俾人批判都係一種幸福」並笑指自己是貓奴性格,「啲人話我首歌啲歌詞淺白我反而好開心。」

提到科林今次成為眾矢之的,烙印即指要向對方道歉,「佢真係好無辜,本身我冇話要唱,結果錄錄吓,我問佢唱兩句得唔得,佢真係好慘,係被我迫。」她指《十》的MV由科林執導,「又無收錢,又無歌酬,網民話我哋浪費資源,其實我哋係喺無資源下做呢首歌。」她亦表示監製Jimmy Fung非常有義氣,「佢病到死咁幫我哋做後期,真係好對唔住佢。」所以希望網民手下留情,「有事衝我來啦!」

(facebook專頁「文人多說話」)

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。