連登仔細個最癲食過乜? 誤飲洗潔精喉嚨似火燒 最慘誤吞呢樣…

撰文:喬納森
出版:更新:

小朋友「乜都放入口」是在所難免,有連登用戶以「細個最癲食過咩」發文,吸引一眾巴打及絲打積極回應,當中有自願亦有意外,物件包羅萬有,包括紙巾及洗潔精,形容飲了一啖洗潔精,「喉嚨好似火燒咁」,甚至有巴打不慎將父母用過的安全套放入口中,沒有最癲,只有更癲。

有連登網民報稱曾誤登父母用過的避孕套,聽到已覺得嘔心。(視覺中國)
+1

下載「香港01」App ,即睇城中熱話:https://hk01.app.link/qIZYuEC5LO

樓主昨日(19日)在「連登討論區」發文,詢問巴打及絲打「細個最癲食過咩」,並指自己曾吃過番梘,有用戶留言問番梘是否「贏咗啦下嗎?」。但原來只是「少年太年輕了」,各人開始分享自己獨特經歷,樓主完全敗陣。

紙巾是家中常見物品,竟成為小朋友的「美食」,有巴打稱當年「仲同屋企人講話『就算將來無嘢食都可以攞(紙巾)嚟充飢』」,一不離二、二不離三,亦有巴打稱「小學有個同學會帶成盒紙巾返學,之後上堂嗰陣食」,不過現時「咩味唔記得,但而家諗番起都覺得黐線」。

有連登仔報稱蟑螂都食過。(視覺中國)
+2

有巴打指試過飲了「一啖洗潔精」,形容「個喉嚨好似火燒咁」,有用戶留言問當事人是否真人版「初哥哥」,最終有否變啞,重提電視劇《十月初五的月光》男主角文初(張智霖飾演)年幼時被母親強灌鹽酸(洗潔精)的一幕。亦有巴打因亂食東西而出事,表示小時候服食父親數粒心臟藥,「瞓咗幾日醫院」。

更有「勇士」表示過往臨近落雨天較多飛蟻,有朋友捉了一隻活生生飛蟻,挑戰巴打「夠唔夠薑食」,巴打形容「諗都無諗就吞X左」,更強調而家應該還有膽量吃。

不過沒有最癲,只有更癲,有巴打記得5至6歲時,喜歡在父母的床上碌來碌去及「乜都擺入口」,將一個「膠套」放入口中,但咬不斷,故將套「拉出少少」詢問母親是什麼,「媽咪好尷尬咁一X扯番出嚟,秒速掉咗」,事後才知道是一個用過的安全套,坦言「好深刻印象」。另有絲打稱有同類經歷,「一路𡁻(安全套),一路問表姐咩嚟」,令到表姐大驚即刻由絲打的口中扯出安全套。

(連登討論區)