大埔魚蛋舖員工疑收集雨水拿回店用　街坊憂衛生問題：點用自己諗

本港連日下雨，大埔區更成為重災區之一，有商戶竟然趁機化身「環保先鋒」，用膠桶裝起雨水疑似想「循環再用」。有街坊拍下該店員工收集雨水並拿回店鋪內的畫面，上傳至facebook大埔群組，令網民嘩然，紛紛熱議儲來的水有何用途，「佢唔係煲嚟飲卦？」。

下載「香港01」App ，即睇城中熱話

有街坊日前在facebook群組「Tai Po 大埔」發放兩條影片，顯示一間位於大埔墟的臨時魚蛋檔，在露天位置放洗濯用的大盆盛裝雨水，其後有員工手持一個白色桶，將大盆內的雨水倒入桶中，再拿回店內，但短片未有拍到該桶水拿回店後的實際用途。樓主指「用灰盆接雨水，跟手會點用，自己諗」，又指該店有提供試食產品。

短片隨即引起熱議，有人揶揄稱「環保人士嚟喎」、「係咪煲湯好味啲？」、「全天然又環保」，但亦有人指可能只是來清潔舖面地板，並非食用。不過，有街坊則留言稱店舖衛生情況欠佳，「見過佢啲貨無放係雪櫃，已經唔想買」、「噚日見個阿姐無戴手套拎起條魚片，再用塊唔知咩布抹手」。