妊娠糖尿孕婦住院 嫌三嫌四勁擾民 夾手指測心跳:夾到指甲點算
撰文:朱利安
出版:更新:
【孕婦/懷孕】初為人母心慌慌乃人之常情,但最近有懷第二胎的準媽媽住院時,卻多次無理取鬧,不但騷擾其他人,亦令醫護和清潔姐姐大反白眼。同一病房待產的病人在網上大數該名港媽5宗罪,慨嘆這段經歷讓她「深深體會到生仔要考牌嘅重要性」。
一名正住院等候產子的準媽媽向facebook專頁「生仔要考牌系列」投稿,指最近病房來了一名妊娠糖尿的孕婦,從頭到尾都大聲說話,非常擾民,並帶同一個28吋行李箱。由於孕婦患妊娠糖尿,因此入院時便有護士向她說明糖尿餐單,但當天午膳時間,她一吃完便到處抱怨「自己煮都冇咁難食啦」、「都食唔飽,啲飯好難食,都未食過呢啲菜」,下午茶亦毫不戒口,將2個水果和私伙餅乾通通放入口。
除了食物,孕婦對服裝亦有怨言,不滿醫院提供的衫褲太鬆,自己不懂拉繩勒緊,令清潔姐姐也難忍怒火,直指:「使唔使幫妳着埋啊?咁大個人褲都唔識着,之後點幫個女着裙啊?」
9月開學學童返校無期 港媽鬧爆網上教學 出招避免子女變大近視Dirty Team醫護批隔離病人當住酒店 嫌醫院餐難食仲擅自開病房門4歲子破壞丈夫汽車模型 日本「多功能老婆」超班手藝救車防家變每周工作6天被孩子問日薪多少 一句童話令在職媽媽內疚鼻酸
直至護士為孕婦夾手指測心跳,她又突然大叫,「痛唔痛㗎?好驚啊!我唔敢放入去啊!夾到我啲指甲點算啊!」護士無奈反一反白眼,連解釋都感到浪費時間。不久,因糖尿問題,護士告訴孕婦每天早午晚都要「拮手指」測血糖,並示範整個過程,讓她回家後自己完成,未料護士即場拮一次後,孕婦即大聲疾呼,大叫:「死啦死啦,我返屋企都唔會拮㗎,我會唔會失血過多㗎?」結果又被護士責罵一番。
樓主表示,雖然只觀察了一個下午,卻已經發生如此多令人反白眼的事,不禁讓她「深深體會到生仔要考牌嘅重要性」。網民看後也嘖嘖稱奇,笑言「拮手指都驚成咁,佢第一胎點生㗎」,又狠批該孕婦自私,「住得醫院都係要靜養嘅人,最怕遇到啲不停講嘢嘅人」、「基本生活技能都無,應該請返個私家看護」。
👇👇👇同場加映:怪獸家長教兒子當奧客👇👇👇
+9