阿哥女友進駐屋企長住 無畀家用白食白住 連登絲打:點樣請佢走

撰文:安祖娜
出版:更新:

「相見好,同住難」,即使情侶同居也需要時間磨合,何況只是親人的另一半?有連登網民發文求助,指哥哥的女友近日進駐家中長住,猶如當成「自己屋企」,不過卻沒有給予租金或家用,而且衛生習慣欠佳。樓主本是留學生,每年只在家短住數個月,故一直忍讓,但因疫情關係與對方同住已半年,直指「好多嘢都睇唔過眼」,加上她認為父母不會直接叫對方搬走,遂向網民請教勸退對方的方法。

有網民大呻哥哥的女友長住家中,引來許多不便,不知如何要求對方搬走。(《一屋老友記》劇照)
+6

下載「香港01」App ,即睇城中熱話

網民「彈彈雞脾菇」於連登討論區以「求救!哥女朋友長住屋企 易請難送 應該點做好」為題發文,稱哥哥的女友自交往開始便搬進其家中,事前並無詢問樓主父母意見,至今兩年來亦沒付家用或租金,「佢連水電煤飯錢所有嘢都無出過,平時求其買啲平嘢返嚟就當貢獻,搞到好似我爸媽要養多個女咁」。起初父母為免影響家人關係,即使不太滿意兒子女友,亦默許對方搬來,「佢哋唔想搞到我哥唔開心,所以就無講出口,但曾經有暗示過」。

而樓主則是留學生,每年只住在家數個月,因此最初會忍讓哥哥女友,不過今年疫情關係令她留港多個月,與對方同住的經歷令她難以忍受。她指對方衛生情況欠佳,不但會將用過的口罩亂放,也會將個人物品全部放在其家中,甚至在旅行過後拒絕在外隔離,堅持於其家中居住。

樓主直言看不過眼哥哥女友的「老奉」態度及行為,也深知父母不會狠心趕走對方,故向網民請教婉轉要求對方搬走的方法,「就係我爸媽成日以和為貴,講暗示暗示,所以我忍唔到完全無進展,就想一刀割,我做醜人」,不過她也直言擔心影響兄妹關係:「唔想為咗佢條女搞到我同我哥嘅關係差晒。」

樓主直言看不過眼哥哥女友的「老奉」態度及行為,也深知父母不會狠心趕走對方,故向網民請教婉轉要求對方搬走的方法。(《一屋老友記》劇照)

帖文引來網民熱議,有人批評哥哥女友行為「離譜厚面皮」,認為樓主應直接與哥哥及女友溝通,指出同住的確不方便,建議對方搬走,「如果傾完都係唔顧人哋感受,咁憑咩要畀面佢?直接講當初冇商量過太突然,冇諗過住咁長時間先一開始冇講,頂唔順咁樣長住喺到」、「直接同條女好聲好氣講道理,講出你真實想法,仲要強調自己冇惡意,希望佢搬走,或者做返好個人衛生。如果佢都係唔走,你只可以學識提早同大嫂相處」。

亦有網民認為,父母才是一家之主,照道理樓主應先找父母開口,「呢啲嘢要長輩出聲先有效㗎,得你一個人講冇牙力,仲會搞衰你同阿哥關係,萬一佢真係嫁咗入嚟就大鑊,食飯都面阻阻咁」、「其實岀聲話佢哋兩個嘅應該係你父母而唔係你,叫阿爸阿媽是但搵個藉口同阿哥講就最好,然後搵一個共同同意嘅解決方法」。

同場加映:有台男被女友發現垃圾桶有用過安全套,但他堅稱冇出軌,還拋出一個解釋連網民都唔信! ▼ ▼ ▼

+8

同場加映:男友跟女性好友過夜仲偷偷帶安全套 台女唔敢踢爆:怕他不愛我了 ▼ ▼ ▼

+12