帶女友見家長 阿媽勸婚後住公屋咪買樓 連登仔:出少句聲唔得咩

撰文:安祖娜
出版:更新:

【公屋/私樓】網民常言「得公屋得天下」,但事實真是有公屋便無敵?有連登網民發文,稱前晚(28日)帶女友返家見家長,晚飯期間媽媽不斷建議兩人結婚後住在現有公屋,又勸他們不要買樓以免成為負資產。樓主急急叫停媽媽,但女友離開時仍若有所思,並說希望他不要有婚後住公屋的想法,令他非常擔心,不禁怪責媽亂說話,「啲老一輩真係,出少句聲唔得嘅咩」。

住公屋的連登仔帶女友見家長,沒料媽媽不斷建議兩人結婚後住在現有公屋,又勸他們不要買樓以免成為負資產,令女友感壓力。(《香港愛情故事》劇照)

下載「香港01」App,即睇城中熱話

連登網民「逢紅必反」前晚以「帶女朋友返屋企見家長,阿媽差啲嚇到女朋友同我分手」為題發文,稱自己是個「不折不扣的公屋仔」,與女友拍拖9個月,昨晚帶對方返家與父母見面。

樓主指與女友也將近30歲,晚飯時無意中談及香港樓價的問題,媽媽便興起「發表意見」,建議他及女友結婚後居於現時的公屋單位,稱自己可與樓主爸爸搬到外面租住唐樓,「跟住我即刻心感不妙,同阿媽講『呀,呢啲嘢遲下再諗啦』」。

同場加映:網民眼中7個比私樓更屈機的公屋▼▼▼

+37

沒料媽媽「唔心息」,繼續大讚公屋,更說:「住公屋有咩問題呀,呢到環境又好,人哋私人樓又細過我哋又要供,阿仔你千祈唔好買樓呀,𠵱家啲樓又貴,萬一負資產就大件事啦!」樓主只好急急叫停媽媽,惟女友已將說話放於心上。

其後樓主準備送女友回家,女友忍不住認真問道:「如果結咗婚係咪真係要住公屋?」他說當刻「唔知點答佢好」,女友後來再表示不介意住公屋,「只係希望我唔好有呢個諗法」,又稱「有啲野想諗」,着樓主毋須送她回家。

事件令樓主非常擔心女友會因媽媽的說話,而對他或兩人的關係失去信心,甚至因而分手。他心中不禁怪責媽媽,「唉,啲老一輩真係,出少句聲唔得嘅咩,已經唔係有錢㗎啦,咁多偉論做乜,你係醒就唔使住公屋啦」。

樓主打算送女友回家,女友表示不介意住公屋,「只係希望我(樓主)唔好有呢個諗法」。(《香港愛情故事》劇照)

帖文引來網民熱議,有人認為樓主不應怪責媽媽,因她已明言願意搬走,實屬愛的表現,「你阿媽肯搬出去讓間屋畀你都好錫你」、「伯母都算係咁」、「其實你阿媽一番好意啫,雖然佢思想係舊咗少少,但佢有搬出去讓畀你呢個諗法都已經好好」。

亦有人認為,婚後置業與否始終是樓主及女友的決定,若兩人能力許可,大可按自己的人生計劃行事,「向好嗰方面諗,你女朋友想同你一齊買樓供樓啫」、「你自己頂唔頂到出面啲租或者有無首期入市先?再者你女朋友係諗住同你一齊供定你一條友硬食先?量力而為啦」。

【按圖即看阿哥全文內容▼▼▼】

+8

同場加映:中產vs貧窮家庭|連登仔「窮人不應生仔」惹熱論:貧窮永無法彌補

中產vs貧窮家庭|連登仔「窮人不應生仔」惹熱論:貧窮永無法彌補
+6
你可能感興趣