男友睇《大叔的愛》投入爆喊 突出櫃認愛上同事 港女:接受唔到

撰文:安祖娜
出版:更新:

由Mirror成員Edan呂爵安、Anson Lo盧瀚霆以及黃德斌主演的ViuTV劇集《大叔的愛》引來全城追看,更一度引起社會關注同性戀議題。有港女就於討論區發文,稱男友追看劇集時好幾次投入爆喊,猶如感同身受一般。至前天(17日)竟突然向她坦白及出櫃,承認自己愛上男同事,令她直言「少少接受唔到」,只好向網民求救。

有港女發文指男友早前突然坦白,承認愛上同性同事,令她大感震驚。(《大叔的愛》劇照)

下載「香港01」App,即睇城中熱話

該名港女於Dcard討論區發文,指與男友拍拖已有2年,感情一向穩定,而早前男友轉工,放工後不時會與同事晚飯,「佢有同我講係男人,咁我都冇咩戒心」。剛好近日《大叔的愛》熱播,樓主指男友追劇時,好幾幕也非常投入邊看邊哭,「喊到好有同感咁」,她原本亦不以為意,「以為佢眼淺啦」。

港女自白全文▼▼▼

+5

沒料男友前日(17日)突然對樓主出櫃,承認自己愛上男同事,令她大感震驚,不知如何應對。她指過往曾與男友提及,一旦他愛上別人,希望他會坦白,「我話如果你中途轉gay都要同我講,我會祝福你」。然而當男友真的坦白時,她卻直言「有少少接受唔到」,只好問一眾網民:「點算好?係咪講得出嚟其實已經返唔到轉頭?」

網民看過帖文紛紛安慰樓主,同時指出男友愛上同事不等於一定是同性戀,建議他們思考清楚再作決定,「你男朋友鍾意咗個男同事又未一定係同性戀,有機會係雙性戀都唔出奇」、「我諗男朋友當初同你拍拖唔會係一時衝動做嘅決定,亦冇必要急於否定或者接受佢中途轉gay呢件事,喺呢段時間入面,我認為最好係畀少少空間佢思考下3個人之間嘅感覺同關係」。

有網民留言安慰樓主,亦有人認為男友行為等同出軌。(《大叔的愛》劇照)

有人則指可幸的是男友願意向樓主坦白,「樂觀啲咁諗,佢早啲同你講總好過到你哋結咗婚,有咗小朋友先話你知,如果佢個心都唔喺你身上,勉強冇幸福,早啲分開可能仲做得返朋友」。也有網民認為,不論對象性別,男友的行為等同出軌,認為樓主毋須過份包容,「佢而家係心靈出軌,無論男女,出軌都唔啱啦係咪」。

同場加映:阿媽煲《大叔的愛》迷上MIRROR 為貼海報收埋結婚相 老豆頂唔順

大叔的愛|阿媽煲劇迷上MIRROR 為貼海報收埋結婚相 老豆頂唔順
+9

同場加映:大叔的愛|如果我似黃德斌…男友拋驚嚇問題 港女憂「中途轉基」

+14