盂蘭節丨對迷信上司咁樣做 打工仔被鬧犯禁忌 可1星期WFH當賺咗

撰文:安祖娜
出版:更新:

【鬼節/傳統習俗/七月十四 / 農曆7月 / 禁忌 / 風水】正值盂蘭節「鬼月」,無論出入或說話也有不少禁忌。有打工仔早前發文,指在公司見到上司時打算打招呼,從後拍了膊頭1下即惹起對方大怒,狠斥他犯了農曆七月的禁忌,「懲罰」他在家工作直至下星期一。打工仔對上司無故動怒感不解,但坦言「咁樣可以WFH成個禮拜都幾舒服」。

打工仔意外拍了迷信上司膊頭1下而被大罵,更被要求WFH整整一星期。(《大叔的愛》劇照)

下載「香港01」App ,即睇城中熱話

該名打工仔早前於香港討論區發文,表示自己並不迷信,但上司則相信風水命理,「係嗰啲每年都會搵風水佬上嚟睇下風水嘅人」。他指昨晨(16日)返回公司,從後見到上司時打算打招呼,沒料對方「叫極都唔應」,於是便上前拍了上司肩膀1下,沒想到引起極大反應。

打工仔講述事發經過▼ ▼ ▼

+9

打工仔指,上司被拍膊頭後大怒轉身,直斥:「拍拍拍!拍咩拍呀?我啲火俾你拍熄晒啦!知唔知而家係農曆七月呀?你𠵱家即刻同我返屋企,去到下星期一你先好返嚟office呀!」他事後無辜表示,平日上司雖然迷信,但沒有太多禁忌或規矩要求下屬遵守,自己打招呼亦是出於好意,「邊個叫佢唔應人啫」。

雖然因拍膊頭而被罵,但打工仔對上司的「懲罰」照單全收,直言「真係幾爽,原本仲諗緊食咩早餐好,一聽到即刻返去WFH就衝返屋企買埋個靚早餐食」。

打工仔沒想過因拍了上司膊頭1下而被罵,但對能WFH一星期感到開心,直言「真係幾爽」。(《大叔的愛》劇照)

帖文引來網民羨慕,表示樓主的懲罰是「好多人恨唔到」、「如果我有個咁另類嘅老細就好啦,可以WFH」、「下星期一返去再拍多次,可以WFH到七月關門,為自己為佢都係好事」。不過也有人認為,無論是否涉及迷信,樓主也不應隨意拍上司膊頭,「身體接觸,幾時都應該避免」、「你明知佢性格係咁,下次溝通就就住啦,雖然呢次好似結果冇咩,但係咁樣得罪老闆唔值得」。

同場加映:初級職員自爆屋企用Dyson風扇 即被上司單打狂OT 結局超無奈【點擊下圖放大即閱讀內容▼ ▼ ▼】

+4

同場加映:老細拍膊頭鼓勵:「睇好你啦」 打工仔信到足博表現仲chur埋上司【點擊下圖放大即閱讀內容▼ ▼ ▼】

老細拍膊頭鼓勵:「睇好你啦」 打工仔信到足博表現仲chur埋上司
+3

同場加映:陰陽眼同事稱公司有鬼 阿姐淆底自此零OT 打工仔追問揭驚人真相【點擊下圖放大即閱讀內容▼ ▼ ▼】

陰陽眼同事稱公司有鬼 阿姐淆底自此零OT 打工仔追問揭驚人真相
+7
+10