連登仔想儲錢進修欲減家用 阿媽唔缺錢仍企硬：$3000算收平你啦
家用問題是破壞不少家庭關係的導火線，早前有連登網民發文，自覺薪金不高，打算儲錢進修為未來作準備，遂向父母提出減少或暫停交家用。樓主爸爸得知原因也表示支持，惟媽媽聞言激動拒絕，堅持無論如何他也要交家用以盡子女責任，甚至稱「3000算收平你㗎喇」，令他大感委屈。
連登網民「悶悶不樂」早前發文，稱大學畢業後「唔係搵得多」，薪金不足2萬元，每月會給予父母3000元作為家用。他有感需為將來打算，「唔想自己一世都搵咁低人工，所以先想用自己錢去進修」，故向父母提出減少或暫停交家用，「學費唔平㗎，如果畀少啲家用，生活真係唔使就住就住」。
爸爸得知樓主想進修，也支持他毋須交家用，不過媽媽卻完全相反，「好大反應起晒鋼（弶）」，立即拒絕他的要求，「同我講：『你住得呢間屋就要畀家用，養咗你咁多年，每個月畀少少錢都唔願意？3000算收平你㗎啦！』」。
樓主指，媽媽其實不缺錢，他也曾表示畢業後幾年經濟較為困難，希望可減少家用金額，惟媽媽卻堅持「無論有幾慘有幾辛苦，一定要畀家用，盡仔女嘅責任」。他續說，明白3000元家用的確不足以作為生活費，因此平日每當媽媽要求買新電話、新衣服時，也會盡量滿足她，「佢亦都覺得我係應份買畀佢」。
被媽媽拒絕後，樓主感到非常委屈，坦言自己並非打算以後也不交家用，只想畢業後的幾年能「有多啲錢揸手」。他其後又大呻，「如果真係咁窮，就咪生我出嚟啦，無多餘錢就逼人交家用，你啲仔女都唔會生活快樂」，甚至直言日後不會生兒育女，以「終結呢個交家用、養兒防老嘅輪迴」。
帖文引來網民激辯，有人認為樓主媽媽的堅持情有可原，「試下自己搬出去住，就知道3000無收多你」、「你開始賺錢但係食住屋企，其實係要父母繼續供養你」、「要你畀3k係想你負下責任啫，知唔知咩叫承擔」。
不過有網民則認為，若父母沒有經濟壓力，根本不應強迫子女給予家用，「如果老豆老母不愁衣食，但仲要逼仔女畀家用的話，根本就折墮」、「其實係大家要為對方諗多步，父母生得仔女就唔好有養兒防老心態，要佢為自己負擔咁多、要求家用，但仔女理應孝順，主動為家庭貢獻一啲，啫係都係講個心囉」。
同場加映：哥失業Hea搵工 妹拒絕多付$5000家用 遭阿媽狠批：唔體諒阿哥
同場加映：老公付$6000家用 高薪港媽負責租樓供書教學保險請工人：決離婚【點擊下圖放大即睇內容 ▼ ▼ ▼】
家用應該付幾多從來都是難答的問題。有港媽在討論區上分享，指與丈夫育有1對小朋友，自己負責多項家庭支出，包括小朋友的供書教學、工人薪金、租金及保險等等，丈夫每月只給6000元家用，自己則需要支付約4至5萬。近年經濟轉差，港媽收入減少，但丈夫卻拒絕兼職幫補家計，令她不禁有離婚的想法。
同場加映：爸爸失業無力供樓 港女呻一畢業要揹10年樓債【點擊下圖放大即睇內容 ▼ ▼ ▼】
同場加映：1家4口有工人 丈夫月入6位數給$8000家用 全職媽媽自覺無地位【點擊下圖放大即睇內容 ▼ ▼ ▼】
同場加映：老公月入3萬家用畀$1000 人妻呻未夠買一周餸菜 網民：直頭倒貼【點擊下圖放大立即閱讀▼ ▼ ▼】
同場加映：阿哥女友進駐屋企長住 無畀家用白食白住 連登絲打：點樣請佢走【點擊下圖放大立即閱讀▼ ▼ ▼】