男子拉扯山野樹木辯稱教仔拉筋 目擊者慨嘆:啲人唔講道理好激氣

撰文:
最後更新日期:

昨日有人上載一條短片到facebook「Fanling粉嶺」群組,拍攝到一名男子在拉扯樹木,拍片者阻止時,男人反稱「多口呀你哋」、「我利用佢嚟鬆筋」。片段上載不足一日已有逾千人「畀嬲」及「嘩」。

上載片段的譚小姐接受《香港01》訪問時直言「好激氣」,認為「唔好以為做咗啲嘢喺荒山野嶺就無人知」。

男子一度以雙手拉扯樹木。(受訪者提供片段截圖)

譚小姐向《香港01》指,昨日與友人到粉嶺蝴蝶山行山時經過涼亭,發現一名男子正在拉扯一棵比手臂還幼的樹,最初男子妻子有叫「唔好扯」,譚小姐亦加入勸籲行列但不果,便拿出相機「扮影相諗住嚇吓佢等佢停手」。

男子堅稱拉筋

怎料男子仍不理會,男子妻子見狀亦調轉槍頭,稱「而家啲人咩都擺上網」。譚小姐坦言原本沒想過拍片公審,但面對如此情況亦決定拍下當時情景,慨嘆「真係唔知佢哋諗咩」。譚稱其後有行山人士加入叫停男子,但男子亦無動於衷,堅稱教導年約8至10歲的兒子拉筋。

男子在他人勸籲後,繼續「大字型」拉扯樹木。(受訪者提供片段截圖)

男子其後離開該地繼續行程,譚小姐亦繼續行山,但男子一家不時回頭,批評譚小姐及友人「多管閒事、點教仔唔關你事」,又指有關樹木「拉咗十年都未斷」,又稱知道此種樹木不會被拉斷。譚小姐反問「咁有咩樹係扯極都唔會斷」,男子隨即支吾以對,只稱「關你咩事呀?」

譚小姐:佢咁樣我會好肉痛

譚小姐指,「蝴蝶山係由細行到大」,亦知道山上花草樹木不應亂碰,「大家都識保護,佢(男子)咁樣我會好肉痛」。她又指對方操字正腔圓廣東話,亦相信是香港人,慨嘆「點解會有香港人咁唔講道理、仲要講歪理?」

從片段可見,被拉扯的樹木比手臂更幼。(受訪者提供片段截圖)

不少網民亦在短片帖文中留言,批評男子是「無恥之徒」、「有同款波鞋,依排唔敢著,影衰曬」。有網民斥責男子「講左都仲死撐,真係不知所謂」、「佢下世真係要做一棵被賤男狂扯的樹」。亦有網民稱「如果棵樹畀佢拉拉下真係斷咗,佢一下on後頭撞落啲石到,真係關人忍事」。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。