料加密幣12月破頂 女友過數60萬要求代投資 連登仔:點解咁有錢

撰文:卓柏安
出版:更新:

女友竟是隱形富婆!最近有網民在討論區上發文,指與女友提到有意投資加密幣後,女友竟然立即轉帳60萬元到他的戶口,叫他代為投資,令樓主不禁質疑「點解可以咁有錢」。事件引來網民熱議,不少人都指事件隨時成為感情告終的起因。

樓主指自己認為加密貨幣將繼續破頂,於是獲女友轉帳60萬元,請他代為投資。圖為示意圖片,非當事人。(GettyImages)

下載「香港01」App ,即睇城中熱話

網民「C.Martin」在連登討論區上發文,提到最近與女友提起炒賣加密幣,「我話我睇好12月Crypto會再破頂」,於是女友「諗都冇諗過就過咗60萬畀我,叫我幫佢投資」。事件令樓主質疑,「點解可以咁有錢?」。

有網民表示自己有類似經驗,「嗰時炒嘢賺咗少少」,於是女友就交10萬給他,「叫我幫佢炒」。事件令他明白,「幫人操盤同自己操盤真係兩回事嚟,嗰時完全唔敢做啲太有風險嘅投資」。有留言則建議,樓主應該考慮將錢退回給女朋友,「到時炒燶咗心理壓力一定好大,用返自己錢炒」,又或者只給予女友投資建議,「拎人哋錢投資輸咗幾好感情都好易收皮」。

你可能感興趣