港媽搭的士質疑司機兜路 發難斥粗人:我住跑馬地㗎!網民:西客

撰文:安祖娜
出版:更新:

居住地區也有階級之分?網上流傳短片,指1名港媽帶同小學女兒乘搭的士時,疑就行駛路線起爭拗。港媽於過程中突然發難,一度斥「我住跑馬地㗎!」、「我梗係唔同你啲粗人講啦」,不過反遭司機批評無理取鬧及態度惡劣。片段曝光後引來網民熱議,不少人批評涉事港媽「衰格」,認為她以居住地區及職業作人身攻擊極為過分,更為女兒立下極壞榜樣,亦有人大讚司機有節有據的反擊屬「教材級」,「一句粗口都無講過呢下抵讚」。

網上流傳短片,可見1名港媽乘的士時與司機發生爭拗,港媽一度發難斥「我住跑馬地㗎!」、「我梗係唔同你啲粗人講啦」。(fb影片截圖)

下載「香港01」App,即睇城中熱話

相關「車cam」片段於多個駕駛群組瘋傳,片段中顯示事發日期為上周六(12月 11日)下午約1時50分。片段開始時可見司機一邊駕駛,一邊向帶同女兒乘車的港媽解釋行車路線,指若經告士打道行駛,有機會要「兜個大灣」才能前往目的地跑馬地。沒料港媽聞言突然大聲發難:「我梗係知啦我揸車㗎嘛,但我唔係揸車搵食呀嘛,我而家問你邊個位呀嘛!」

司機即時喝止稱「喂唔關我事呀小姐,你唔好發我脾氣」,提出可以「同你兜返去行多次」,又指已耐心解釋路線,只是對方一直不明白。這時港媽則批評司機「你睇下你幾惡呀」,當司機繼續解釋時,她又要求「你可唔可以收聲呀」。

雙方爭論期間,港媽曾自信表示「我住跑馬地㗎阿哥」,惟遭司機直接訓斥「咁又點呀?好馨香呀跑馬地?」,只好冷淡回應「好過你囉」。(fb影片截圖)

雙方對話充滿火藥味,司機對無故被罵感不滿,諷刺稱「唔夠我講梗係唔同我講啦」。港媽未有收口,繼續直斥「我梗係唔同你啲粗人講啦」,遭司機反駁:「我梗係粗人,我無話我係斯文人嚟㗎,我唔知你有幾斯文囉!」港媽稍為冷靜,自信表示「我住跑馬地㗎阿哥」,惟遭司機直接訓斥「咁又點呀?好馨香呀跑馬地?」,只好冷淡回應「好過你囉」。

雙方冷靜約10秒後,司機再次「反擊」,直斥港媽應「檢討下自己嘅行為」,批評她「自己唔識路,又要驚人哋兜你路」,而且將座駕故障需乘搭的士代步的怒氣發泄於他身上。港媽強調自己並非發脾氣,但司機卻指過程已全被「車cam」拍下作為證據,「我夠知你揸車啦,唔係揸飛機呀嘛,我咪解釋咗幾次畀你聽囉」。

司機一邊駕駛一邊「反擊」,再次諷刺港媽所言,「斯文人?真係笑大人個口呀住跑馬地,衰過住屋邨呀」。港媽表示「我冇朋友住屋邨㗎喎」,司機也即稱「我都冇朋友住跑馬地呀」,換回港媽冷笑1句:「你梗係冇啦。」雙方之後未有繼續爭拗,港媽繼續使用手機,直至片段完結。

短片曝光後引來網民熱議,不少人認為片中港媽突然發難屬無理取鬧,亦有網民指的士司機反駁時雖然較為「粗聲粗氣」,但內容言之有物。(資料圖片)

短片曝光後引來網民熱議,不少人認為片中港媽突然發難屬無理取鬧,「面係人地畀,架係自己丟。自己大大聲鬧人,仲屈司機鬧佢,真羞家」,又批評她以居住的地區及職業自抬身價或攻擊別人是「無教養」的表示,成為同行女兒的壞榜樣,「『我住跑馬地㗎!我冇朋友住屋邨!』,講得呢兩句說話嘅人,其實都好自卑」、「最大問題係嗰位女士言語間嗰種輕佻、睇唔起的態度,我真心擔心佢個女第日多啲」。

亦有網民指的士司機反駁時雖然較為「粗聲粗氣」,但內容言之有物,「司機好嘢,一句粗口都冇講過,一句『我都冇識人住跑馬地!』贏晒」、「司機哥哥本身好有禮貌,一句講晒,住邊度唔代表個人嘅質素」、「多謝呢位的士司機教育呢名乘客,做人要互相尊重」。

同場加映:醉男電召的士誤拿$500鈔當$100付費 誠實司機用盡方法交還獲激讚

醉男電召的士誤拿$500鈔當$100付費 誠實司機用盡方法交還獲激讚
+8
樓主直言「今次真係遇到好人夜更司機」,因欣賞對方的老實舉動,決定將多付的400元捐出祝福他人。(fb「香港啤酒關注組」圖片)
你可能感興趣