白色情人節丨女友買朱古力慶祝背後藏心思 男友勁嫌棄1句傷透心

撰文:安祖娜
出版:更新:

收到禮物即使不合心意也不應當面嫌棄吧!有港女於討論區大呻白色情人節的不快經歷,稱特意購買朱古力送給男友一同慶祝,不但走訪了數間零食店,朱古力背後更暗藏心思。沒想到男友收到後表現失望,更語帶嫌棄指「幾多歲啊唔好咁cheap啦」,令她一怒之下收回禮物。

有港女稱特意購買朱古力送給男友一同慶祝白色情人節,沒想到男友收到後表現失望,更語帶嫌棄指「幾多歲啊唔好咁cheap啦」,令她一怒之下收回禮物。(《歎息橋》劇照)

該名港女於Dcard討論區發文,指前日(14日)適逢白色情人節,特意購買朱古力打算與男友一同慶祝。為了買到心儀的卡通人物朱古力款式表達心意,她更走訪約6至7間零食店,「想話一個代表佢,一個代表我,呢款朱古力有支棍又唔使用手掂到食物本身,可以買嚟兩個人開心下」。

樓主滿心歡喜炮製小驚喜,沒想到與男友見面時,對方一見到她拿出朱古力竟「露出咗一個超級失望嘅樣」,更語帶嫌棄稱:「幾多歲啊唔好咁cheap啦。」她聞言不禁感到生氣,一怒之下直斥男友「咁你唔想收,唔想食就唔好要啦」,最終收回禮物,「返到屋企自己食晒兩支」。

樓主指走訪了數間零食店,朱古力背後更暗藏心思,「想話一個代表佢,一個代表我」。(Dcard討論區圖片)

她事後大呻無辜,直言不覺得送朱古力有何問題,又質疑男友只憑禮物價錢衡量價值,忽視背後的心意,「我覺得都唔係好低B啫,唔通而家情人節送禮物就係要鬥貴鬥高級咩?送愈high class嘅嘢先代表我愈愛你?」。

帖文引來網民討論,不少人批評樓主男友自私無禮,認為即使不喜歡朱古力也毋須出言嘲諷,「你表達心意,佢嘅回應一啲尊重都冇,每個人都有自己嘅童真㗎啦,唔鐘意都唔係咁講囉」、「如果佢係講笑口吻我覺得都還可接受,但如果嫌棄嘅話就有啲hurt」。

不過也有人認為,男友表現失望或由於期望有落差,「佢送咗咩畀你先?如果你哋份禮物差太遠,佢都有機會失望嘅」、「佢咁講係衰咗啲嘅,可能佢覺得收冇咩特別嘅嘢當禮物會冇咁開心」、「佢好衰,但係坦白講如果角色調轉男朋友情人節淨送呢個我都會失望,雖然未必好似佢咁明顯表達出嚟」。

白色情人節|台女出差高雄與男友分開1年 他送儲值卡藏冧爆驚喜

男友提前送「一卡通」當作是情人節禮物給樓主餞行。(Dcard討論區圖片)
+10