父親節警世文|曾嫌棄爸爸尷尬行為 港男喪父後悔恨:爸你辛苦了

撰文:布萊恩
出版:更新:

【父親節2023/警世文】人愈大,愈要珍惜眼前所有。有港男去年曾於討論區發警世文,指其父親以往常常說笑「搞gag」,又常常與不認識的人搭訕,令他相當尷尬,「所以愈大愈抗拒同佢出街」。詎料父親於上月離世,樓主無機會再一齊慶祝,後悔當初沒好好珍惜,只能呼籲其他網民要多陪伴及關心家人,「唔好好似我咁無咗先珍惜」,並留下思念:「爸爸,父親節快樂,你辛苦了。」不少網民看後都表示「睇到想喊」,又祝願樓主好好過活,「爸爸在天之靈一定好欣慰,要好好過生活」。

有港男於討論區發警世文,指其父親以往常令他相當尷尬,「所以愈大愈抗拒同佢出街」,詎料父親於上月離世,無機會再一齊慶祝,後悔當初沒好好珍惜的他,呼籲其他網民要多陪伴及關心家人。(資料圖片)

該港男於連登討論區以「老豆既尷尬行為」為題發文,先分享年少時父親「搞gag」尷尬事,例如有次他帶女朋友回家,「一開門我老豆就勁大聲喝住我女朋友,問佢做咩收埋把刀喺身度,我女朋友嚇到就喊,我老豆先笑住講:『少女藏刀啊嘛』」。另有一次父親問樓主姐姐男朋友「好人好姐做咩唔好,點解要走去做賊啊仔」,令對方當場嚇呆,結果父親一臉正經地說「你偷咗我女個心啊嘛」。

樓主又說,父親每次出街「成日撩啲唔識嘅人,搞到勁尷尬」,故「愈大愈抗拒同佢出街」,沒想到,這些事件今年竟變成回憶,「今年父親節,諗住久違地同佢出去慶祝,可惜,再無機會了,老豆上個月尾走咗了……」。

回顧往日,樓主頓感自己不孝,後悔未有珍惜父親,「第一年過無佢嘅父親節,覺得自己好不孝,成日嫌棄佢,無好好關心佢,無多啲陪佢,無同佢影多啲相留低啲回憶,而家連同佢講父親節快樂嘅機會都無了…」。

樓主最後寄語其他網民要多陪伴及關心家人,「唔好好似我咁,無咗先珍惜」,並留下思念:「爸爸,父親節快樂,你辛苦了。」

樓主寄語其他網民要多陪伴及關心家人,「唔好好似我咁,無咗先珍惜」,並留下思念:「爸爸,父親節快樂,你辛苦了。」(《暖男爸爸》劇照)

帖文引來不少網民共鳴,直指「屋企人先係最重要,大家都畀啲時間多啲陪下屋企人」、「我老豆都係,到我哋大個咗都係瘋狂搞爛gag,成家都無人畀到反應佢,已經走咗10幾年了,精神長存我地心中」、「估唔到係sad story,笑中帶淚……rip」、「笑笑下睇到想喊」、「睇到尾段就好sad」、「樓主要繼承你老豆嘅衣缽」。

也有網民認為樓主的父親有愛,「好老尷但feel到好有愛」、「會搞下爛gag嘅老豆幾Q呀」、「講真,有一個會成日搞爛gag嘅老豆真係幾令人羨慕」。