公屋富戶|家庭月入$5萬住公屋 港媽呻唔夠使 網民看開支表嚇親

撰文:布萊恩
出版:更新:

【公屋/富戶政策】不少人排隊上公屋,但生活又是否可如預期?有居於公屋的港媽於網上發文表示,其家庭月入約5萬元,但「冇咩點使錢已經冇X咗3皮(3萬元)」,大呻開支大不夠用。港媽並公開自己的開支清單,網民一看「嚇親」,「咁叫冇咩點使錢?」

有居於公屋的港媽於網上發文表示,其家庭月入約5萬元,但「冇咩點使錢已經冇X咗3皮(3萬元)」,大呻開支大不夠用。(資料圖片)

該港媽於連登討論區以「住緊公屋嘅你家庭開始(支)幾多到」為題發文,指其一家三口住公屋,加上丈夫家庭月入約5萬元,惟「冇咩點使錢已經冇X咗3皮」,感嘆開支大。

該港媽並公開支出清單,當中以兒子學費連興趣班最貴,達9,000元,其次是「自己食飯搭車」、「老公食飯搭車」及「家用」,均達4,000元。

該港媽開支清單如下:

帖文引來網民熱議,直指「咁叫冇咩點使錢?」、「咁大使?」、「水電2500 = onX;成家食飯搭車4000 + 4000 + 3000 = 1萬1000 = onX」、「一家3口,水電2500,出街食下嘢3000,哈」、「咁X平租仲有乜好呻?交1700都好過人哋交17000,你多人15000使」。港媽則回應,「電1000,煤1000,水500,一個人返工食飯 + 搭車4000好基本,平時family day放假出街食嘢一個月先3000」。

港媽公開支出清單,引來網民熱議。(《寶寶大過天》劇照)

亦有不少網民提出建議,「屋企人住得遠唔遠?唔遠嘅話,不如加啲家用叫屋企人煮埋順便帶飯,淨係食飯錢都慳到幾千」、「試下唔好畀家用」、「N班加play group,小朋友唔一定需要join,等多年就K1,小朋友咁細個就要佢學咁多嘢,追趕嘅壓力都唔少。也有網民質疑「家庭月入5萬住公屋?」。

根據公屋富戶政策,家庭入息超逾現行公屋入息限額兩倍但不高於三倍的住戶,須繳交倍半淨租金另加差餉。(資料圖片)

根據公屋富戶政策,家庭入息超逾現行公屋入息限額兩倍但不高於三倍的住戶,須繳交倍半淨租金另加差餉;家庭入息超逾現行公屋入息限額三倍但不高於五倍的住戶,須繳交雙倍淨租金另加差餉;若家庭入息超逾現行公屋入息限額五倍,或家庭總資產淨值超逾現行公屋入息限額100倍,便須遷離其公屋單位。

以現時3人家庭公屋入息限額24,410元計算,家庭月入5萬元相當於限額兩倍多,意味只須繳交倍半淨租金另加差餉,毋須遷離。