【特首選舉】林鄭月娥當選　劉慧卿：對公務員要和氣啲

行政長官選舉投票期間，《香港01》今早（26日）邀請中原集團主席施永青、民主思路召集人湯家驊、民主黨前主席劉慧卿，3位嘉賓同場論政。

三位候選人當中，林鄭月娥及曾俊華是前高官，胡國興是退休法官，相比上一屆梁振英對唐英年時充斥着「黑材料」，今屆反而點到即止，予人君子之爭的感覺。但席上湯家驊則指出「今屆都有好多黑材料，傳有人老公有外遇，有人不被中央信任，有人有外國居留權」，湯家驊認為胡國興是最少受傳言影響候選人。

不過，施永青即時指「有人話胡國興是中共臥底」，認為謠言仍是滿天飛，停留在非常表面的討論，論政辯政的機會則比較少。

湯家驊：一人一票曾俊華較大勝算

談到特首之位花落誰家，湯家驊坦言，如果曾俊華在一人一票的普選底下進行，則有較大勝算，而目前的小圈子選舉，但當選機會不大。施永青則認為，曾俊華及林鄭月娥，兩人各有優劣。「下任特首條件，除咗要受港人擁戴，亦要得到中央信任，曾俊華遇到嘅問題係，民望雖然高，受港人擁戴，但未必有中央信任史；而林鄭則相反，得到中央信任，民望顯然冇咁高」。

施永青讚同曾俊華選舉策略，先得港人信任是正確的事，認為中央的信任可以其後建立，反而林鄭如果當選，需重建港人信心，則是比較困難的事。

施永青表示，自己亦是建制派，認為即使根據831框架進行普選，對香港有利，令整個社會都可以參與「拎601票入閘，無問題㗎，最大問題係選委組成問題」。劉慧卿即時反駁，「如果靠施永青推動民主就死喇，肯定40年後都冇民主，香港等咗幾十年，我哋等到頭髮都白埋都未見到真正嘅普選」。

劉慧卿：若林鄭當選　對公務員要和氣啲

對於料林鄭大熱當選，低民望上場會遇到施政很大挑戰，劉慧卿表示，「要睇佢如何自處，真係要拉埋唔同議員一齊傾，對公務員又要和氣啲」湯家驊則指，認識林鄭多年，認為她是一位好勝及性格堅強的人「佢唔想畀人睇死」，又指「特首唔係普通公務員，要接納好多唔同理念嘅人，唔好好似梁振英咁，將好多聲音拒之門外」，建議林鄭做事先易後難，慢慢再處理困難的問題，迎難而上。

主持人謝志峰最後則指，朋友當中反對林鄭的「一係認係佢個人好硬，而曾俊華予人感覺是舒服啲，但論能力的話林鄭係有的」，坦言選舉的確令人謙卑，又指民意是浮動的，「今日低唔代表聽日都低」，最重要是能夠重建香港人的信心。