巡唱著高叉裙要經老公過目 關心妍:希望尾站喺香港舉行!

撰文:
最後更新日期:

今年關心妍(Jade)重投歌手身份,舉行入行18年首次內地巡唱「Touching Moment Concert Tour」,繼7月於廣州舉行首站後,12月28日將在東莞舉行第二站。

曾兩度踏上紅館的Jade,每次開騷前,Jade都會操到自己最fit,經過一返努力終於操到最fit時96磅,日前到東莞舉行演唱會記招,Jade特別揀一條高叉長裙給歌迷驚喜,但前一日老公陪她fitting時,一見Jade穿上就投訴︰「大高喇!會唔會太性感呀?」Jade只好漏夜把高叉縫上2吋,老公才過關!

關心妍即將到東莞舉行巡迴第二站,並於明年到澳洲及美加演岀。 (資料圖片)

入行18年,Jade有不少經典慘情歌,《負擔不起》、《你有心》、《我太強》、《慘得過我》、《放生》、《仍然》和《失戀哲理》等都深受樂迷歡迎,自宣佈舉行巡唱後,Jade的經典金曲不斷在網上洗版,但廣州站後,不少歌迷對歌單有意見,不少歌迷投訴「關家姐」冇唱《關家姐》,和變身「C-12」的一系列歌曲,第二站可有特別改動?Jade說︰「《關家姐》和「C-12」的歌曲都有好多票數,但票數最高仲有幾首,呢兩個星期仲會繼續在網上投選,睇吓最終邊幾首入圍啦。」巡唱第二站,Jade邀請了一位神秘嘉賓合唱,她說︰「呢位係音樂才子,為我作過歌,新歌《時刻》佢都有份參與。」東莞站之後,馬上就準備佛山站,明年3月Jade的巡迴演唱會更會走到澳洲和美加,Jade說:「希望巡唱尾站返到香港舉行,好掛住香港嘅歌迷,上次紅館騷已經差唔多相隔七年。」

想不到樂迷最期待Jade的演唱作品,不是《你有心》,而是《關家姐》

+2

另外,Jade忙於籌備巡唱,亦繼續為「妍亮生命慈善基金」籌款,本月二日,得到音樂團體「Festive Chamber」舉行慈善音樂會為基金捐款,Jade特別在音樂學院「Shining Life Music」挑選七位學生,為音樂會做opening獻唱《Over the Rainbow》,Jade說女兒心心暫時還未敢上台,但這首歌都識唱幾句,過多一兩年後,如果有需要籌款,都不介意母女檔上台;而巡唱第二站會否帶女兒同行?Jade說︰「佢睇完第一站好興奮,今日出發去記招佢都想跟埋嚟,問佢係咪想聽媽咪唱歌?心心話睇演唱會有好多零食,因為上次爸爸帶咗好多佢鍾意嘅食物,心心一邊睇騷一邊食嘢,好似食buffet咁。」

除了籌備巡演,關心妍近日亦忙於參與慈善工作。 (資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。