關心妍有望今年開紅館騷:知道公司已經入咗紙

撰文:
最後更新日期:

關心妍(Jade)舉行了入行18年首次《時刻觸動世界巡迴演唱會》,日前在東莞舉開騷,不少香港歌迷專程組隊撐場。Jade首次在東莞開騷,特意唱出歌迷在網上投選的歌曲,見到歌迷反應熱烈,她說:「我知道今晚大家都係為自己嘅青春搶票,今晚等我帶大家返番去我哋嘅青春年代!」然後一口氣唱出《你有心》、《我太強》、《手下敗將》、《放生》等經典作品。

關心妍日前舉行巡唱東莞站,一口氣唱出《你有心》、《我太強》、《手下敗將》、《放生》等經典作品,帶樂迷回到他們的青春時代。

仲有好多關心妍演出嘅靚相,即刻Click嚟睇啦!(按圖放大)
+3
+3
+3

巡唱第二站,Jade請來好友羅力威擔任嘉賓,平時怕怕醜醜的羅力威,自爆Jade是他心中的女神,初入行在頒獎禮第一次見面,想了好耐先敢上前合照,羅力威說:「Jade太多歌打動我,亦影響咗我創作音樂靈感,初入行每次見到佢都心跳加速。」令在旁的Jade哈哈大笑,Jade說:「我嗰陣都結咗婚㗎喇,我同佢老婆(雨僑)好熟㗎!」Jade大讚羅力威彈得一手好琴,更即場鋼琴伴奏為Jade度身訂造的新歌《時刻》,然後兩人再合唱網路神曲《可不可以》。

關心妍開騷前兩星期失聲,經醫生診斷後發現聲帶出血,幸好趕及開騷前康復,站在台上她感觸得一度落淚。

在個唱尾聲,Jade有感而發,原來她在開騷前兩星期失聲,經醫生診斷後發現她的聲帶出血,立刻要求Jade停止練歌,連做運動都唔可以,只可以閉關休息養聲,以免情況變壞,Jade說:「臨開騷前兩星期突然聲沙,馬上去睇醫生照聲帶,醫生話左邊的聲帶出血,好擔心,因為我真係好珍惜每一場演出及歌迷,你哋買飛等咗我咁多年,所以今日真係一個奇蹟,可以喺咁短時間內好番!今晚唱最後一首歌先敢同大家講,如果聲帶惡化可能要臨時取消,好感恩,多謝大家嘅支持,畀我嘅動力,令我把聲今日無事!」然後Jade唱出《關心...心妍》,台下樂迷全部揮動熒光棒,報以支持的呼歡聲,令Jade再次感動爆喊。

關心妍又提到失聲這段時間沒法陪囡囡,怕傳染給她,幸得老公睇住囡囡。

Jade特別感謝老公,她說:「最慘冇得黐住個囡,連同佢玩和說話都唔得,最怕傳染佢,呢幾個星期老公好辛苦,每日帶心心出街玩。」東莞站圓滿結束,明年3月,Jade會將把巡迴演唱會帶到澳洲及美加,希望巡唱尾站可以返到香港舉行。Jade在騷後接受訪問,被問到會否打算再開紅館騷?她表示:「其實我知道公司已經入咗紙,應該係嚟緊呢一年(以內),但都未知確實時間,因為都要等佢批,如果唔係就要等多一年。」又問到,屆時會否有特別的福利給香港樂迷?她說:「真係要諗下,因為香港嘅歌迷睇過我嘅演唱會好多次,但距離上次香港開騷已經係5年嘅事,rundown方面除咗經典歌亦想包含新歌,或者到時我會造新嘅廣東歌送畀大家。」

關心妍非常感恩有歌迷一直支持。

演唱會精華片段,想聽歌記得睇埋喇!


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。