【天地分裂】Cheronna為MV性感亮相　犧牲超大令余香凝勁羨慕

余香凝（Jennifer）與吳嘉熙（Cheronna）早前首次合作，一起創作新歌《天地分裂》，日前更齊齊拍攝MV飾演兩姊妹。戲中，Jennifer獨自照顧病重的母親，相反Cheronna則早已離家出走，過自己想要的生活。提到Jennifer在片中為半裸母親抹身，她說：「現實中我會阿媽染髮化妝，細個有幫媽咪揼骨，如果母親有一日要我這樣照顧，我一定會照顧番佢，因為細個佢照顧我，我好愛我媽媽。」

至於Cheronna今次在MV中同樣有新突破，與同門師兄劉志偉（Wayne）有不少「肉搏」鏡頭：「今次比較再少布啲，拍攝時都有啲尷尬，我有Kiss戲，因為公司同事反應熱烈，佢哋仲興奮過我，另外有一些鏡頭的關係只用了乳貼，所以好需要志偉用個身幫我遮住，又要現場男士全員迴避。」而Jennifer因為要為母親慶生，所以錯過了直擊Cheronna性感亮相的機會，又話羨慕對方，想趁青春拍性感戲份。《天地分裂》現已於音樂串流平台JOOX獨家率先上架。