【專訪】AGA拆解Demo製作要訣 切忌自我質疑:咁仲差過賣唔到歌

撰文:劉傳謙
出版:更新:

要成為一位出色的音樂人,學懂如何正確製作樣本唱片(Demo)相當重要,近年屢獲唱作人獎項的AGA江海迦亦引起不少支持者對音樂創作的興趣。AGA接受《01眾樂迷》訪問時更大談製作Demo的心得,有興趣的讀者不妨趁機偷師,好好裝備自己。

撰文:劉傳謙

在許多人眼中,製作Demo是音樂人的工作,但AGA認為能趁機將腦開中天馬行空的想法實踐:「例如你要製作Jazz(爵士樂),你自己嘅Jazz又會係點呢?或者我想Jazz加R&B(節奏藍調),究竟係點呢?Jazz加Rock(搖滾)又會係點呢?即係好似煮餸咁,點樣製作一碟自己嘅特色料理。」在日常製作Demo方面,AGA建議大家留意以下3點:

AGA認為Demo可以將天馬行空的想法嘗試實現。在製作其中一首普通話歌時,AGA更得到父親幫忙彈奏古典結他。(AGA Instagram圖片)

1. 建造在家工作室 電容式咪高峰方便錄和音

要製作Demo,首先要準備足夠器材,在家中製作一個工作室。基本而言,作曲時需要電腦、錄音介面(Audio interface)、前置放大器(PreAmp)、電子琴及咪高峰。AGA認為咪高峰相當重要,在家中會選用電容式咪高峰(Condenser microphone),她解釋:「普通嘅咪同唱卡拉OK嘅時候用嘅咪都會收晒所有嘅環境聲,即係你隔離嗰個人講嘢都會收到。但係Condenser mic就可以集中收你把聲,不過當你唔講任何嘢嘅時候,你係可以聽到隔離房講嘅秘密,所以佢對聲音係好敏感。」正因如此,AGA部分作品的和音,最後仍能採用在家錄製的版本,省卻不少功夫。她亦提醒讀者要細心選擇最合適的電容式咪高峰:「例如女仔通常都會高音少少、把聲尖啲,就要睇下邊個牌子嘅mic可以中和少少,等把聲冇咁尖。」

談到個人習慣,AGA在製作Demo時必定帶備外置硬碟,以防工作上的技術意外令自己一無所有:「當部電腦突然間壞咗嘅時候,你所有嘅作品都會變炮灰㗎啦,所以一定要有個hard disk裝住晒所有嘅檔案。我自己都試過無數次,有啲做咗幾日嘅歌突然間冇咗,大家一定要記住用hard disk!」最後,為保持足夠精力,AGA必定會準備一杯咖啡,以渡過約7至10小時的製作過程。

2. 為作品嘗試編曲、填詞 為Demo賦予靈魂

要從數百首demo中突圍而出並不簡單,AGA除演奏自己所編的旋律外,亦會為自己的作品作簡單編曲,提高Demo的完整度。她認為這類作品有助為編曲人制定作品最終呈現的曲風:「就算好概括咁講『我做緊一首R&B』,但係R&B都有成百萬種,你做緊乜嘢類型嘅R&B?所以編咗少少曲先去交Demo,其他人通常都會容易啲明白。」

部份唱作人開始會在製作Demo時為作品填詞,AGA亦不例外。即使知道詞作最後不會採用,但她仍堅持為自己作品填詞:「我要有嘢講先會寫一首歌,我覺得首歌係有一個靈魂喺裏面。」AGA特別談起第一首面世的作品《Better Me》(薛凱琪原唱),副歌保留部分英文歌詞,間接形成日後作品的特色:「好多時都係填詞人同監製覺得,嗰啲係首歌嘅靈魂嚟,係最核心嘅部分,所以先會選擇用返嗰啲英文,絕對唔係錄錄下加啲英文落去。」

3. 切勿自我否定:Self doubt仲差過賣唔到歌!

在硬件及技術上準備就緒後,就要開始調整製作Demo時的心態。面對自己作品最後無法被其他音樂人選中,AGA認為隨時都要做好這種心理準備:「我會覺得一首歌冇被揀中有好多唔同嘅原因,我從來唔會覺得某一首歌係唔好嘅作品,我只係覺得嗰首歌未必適合廣東話,或者適合嗰個歌手。」她在作曲生涯首3年沒有作品被選中,亦曾試過懷疑自己音樂創作的能力,但她直言作曲人要保持自信心,不應自我否定。

AGA亦指出另一個奇怪現象,大部分在晚間完成的作品,翌日卻發現問題多多:「夜晚寫完嘅歌,第二朝聽返就會覺得好慢,要即刻較返快。同埋有時會覺得首歌好好聽,但係第二朝聽返就會覺得好悶,連自己都聽唔明寫緊咩。」大部分音樂人在創作時習慣順序創作主歌(Verse)、導歌(Pre-chorus)及副歌(Chorus),結果令副歌未夠突出,失去歌曲記憶點(Hook line)。AGA建議創作時先從副歌開始,並從副歌旋律出發構思其他部分,方便保留作品的記憶點。

了解上述製作Demo的要點後,讀者如今有機會實踐所學了!會員可先按此以300積分換拎電子券,換領後跟指示填寫表格,回答指定問題,我們會選出答得最特別、最具創意及最有熱誠的8位得獎者參與是次【WOW體驗】。

活動名稱: 【WOW體驗】跟AGA學整Demo
活動日期: 2020年8月9日 (星期日)
活動時間: 下午4時至5時
活動地點: 土瓜灣 (詳情會介時選出得獎者後再由專人通知)
名額: 8位

同場推介另一個【WOW體驗】Gin Lee教你Sing,由歌手Gin Lee教你唱歌,幫你提升唱歌技巧,鐘意唱歌,對音樂充滿熱誠嘅你,快啲把握機會,按此以300積分換電子券啦!

未夠積分唔知點算好?醒你賺分小貼士: 即去https://bit.ly/2ZTeCas 答問題就可以賺388「01積分」!