葛民輝重提12年前執導劉浩龍MV：用蔗渣價錢拍燒鵝髀味道！
撰文：劉傳謙
出版：更新：
「阿葛」葛民輝今日（17/9）為小肥和「師兄」劉浩龍新歌《砒霜之後》MV客串演出，在片中飾演兩位後輩的大哥。談起12年前曾執導師兄其中3首歌的MV，他笑指：「當時（MV製作）好低成本，佢真係好想提攜我哋呢啲後輩，就問我想唔想拍MV？我應承咗，但係一拍估唔到有咁多首，真係蔗渣嘅價錢，燒鵝髀嘅味道！因為佢啱啱出道，我都想盡量滿足佢同公司嘅想法，於是諗咗個方法，用一日拍晒，都幾好睇。」
導演劉翁邀請阿葛客串MV，讓他與師兄再續前緣。（葉志明攝）
疫情下演唱會和舞台劇全數取消，葛民輝希望可以盡早與支持者見面：「當時我冇排隊（等場地檔期），不過會覺得可惜，尤其自己做呢行，假如我咁啱嗰個檔期遇上打風，細個就會話『打風啦，唔使返學』，到大個就會覺得可惜，冇咗嗰日檔期，搵唔到邊日可以補。」被問到組合軟硬天師會否重組，阿葛坦言時刻都想重組，但仍需等待一段時間才能成事。
阿葛期待早日與觀眾見面。（葉志明攝）
點擊圖輯，欣賞更多幕後花絮：
+5