尚羚邊旅行邊錄自資專輯 老公阿正@RB出錢出力:分分鐘平過香港

撰文:
最後更新日期:

RubberBand隊長兼結他手阿正(馮庭正)與老婆尚羚(Sherine,前名黃淑玲)今日(7/10)現身尖沙咀,一同為後者自資推出的爵士唱片《TWO FOR THE ROAD》監聽母帶。阿正透露,Sherine在周遊列國期間完成專輯錄音:「好多時(錄音)都係即興,既然我哋去咗嗰個地方,就試下搵呢個樂手去錄音。樂手、錄音室嘅費用一定要畀,但係我哋唔係去好華麗嘅錄音室,所以價錢其實唔係好貴,分分鐘平過喺香港!」

阿正陪老婆Sherine為爵士唱片《TWO FOR THE ROAD》監聽母帶。(葉志明攝)

Sherine提到,自己本來打算今年初推出專輯,但因疫情及自己懷孕等因素,決定延至明年3月生日時推出:「本來想喺今年8月嘅HI-FI展(香港高級視聽展)做簽唱會同現場演出,但係延期咗,加埋自己有咗BB,所以有啲嘢都唔好太急,再做好啲。」阿正坦言,比起RubberBand新專輯,自己更期待老婆心血面世:「佢真係擺咗好多心機落去,唔係話唱得好唔好,我覺得(Sherine)係比起之前張碟有好大進步,呢個已經係一個值得拍手嘅事。(畀呢張碟幾多分?)70分,仲有好多進步空間。」

比起RubberBand新專輯《I》,阿正更期待Sherine心血面世。(葉志明攝)

至於RubberBand原定在11月中將舉行新碟《I》發布會,阿正指將改為網上舉行。被問到今次專輯名命名原因時,阿正指當中有一個隱藏意思,留待歌迷在碟中發掘。

RubberBand新碟《I》發布會將改為網上進行。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。