ONE PROMISE夥AK@MIRROR開線上音樂會 鼓手Anton改做觀眾養傷

撰文:劉傳謙
出版:更新:

樂隊ONE PROMISE昨晚(13/10)聯同組合MIRROR成員Anson Kong(江𤒹生)舉行線上音樂會,早前宣佈因手指骨枯而需要停止進行劇烈敲擊的鼓手Anton,這晚雖然未能在台上演出,但仍現身支持隊友。他坦言尚未習慣在台下做觀眾的日子:「喺台下面幫佢哋播拍子機嘅時候,自己隻手都想跟住節奏拍,但係都會忍住,用一個觀眾嘅身份欣賞佢哋嘅表演。希望我可以早日康復,可以快啲同佢哋喺台上表演。」

鼓手Anton(右二)宣布停工休養後首度現身。

談到早前《懷念晴朗的雨天》推出鋼琴版,結他手天衡坦言,當初只想到刪去敲擊部分後,會令歌曲弦樂部分較明顯,為樂迷帶來歌曲另一面。主音文迪笑言:「依家諗返都幾sad,好似上天一早畀咗啲提示我哋,話畀我聽Anton要停。不如你(Anton)今晚返去撳返個鼓聲出嚟,咁你就冇事㗎啦!」

ONE PROMISE今次與AK合作搞線上音樂會。

AK和ONE PROMISE在早前合作拍攝翻唱歌放在網上宣傳而互相認識,他們認為第一次正式合作就覺得好有火花。而今次是第二次合作,他們在線上音樂會分別唱了《懷念晴朗的雨天》、《寂寞的怪獸》、《蝸牛》、《想見你》和《隔離》,大家夾得很有默契,期待下一次可以在有現場觀眾情況下再一起演出。

+15