【專訪‧影片】鄧穎芝封「樂壇小強」:有啲人想起死回生都冇機會

撰文:
最後更新日期:

講起「樂壇小強」,第一個想起的一定是,最近宣布和舊隊友一齊「踩我唔死又開騷」的阮民安,而女方代表則是今年憑電視節目《G-1格鬥會》翻生的鄧穎芝(Vangie)。Vangie曾被網絡紅人「慈雲山鄭列瓊」(瓊姐)封為樂壇小強之母,這個「強中之強」的名字對於一般歌手而言,應該是一個避之則吉的污名,Vangie又怎樣看這個名號呢?「冇辦法,因為我得罪咗佢(瓊姐)吖嘛!之前佢話我抄容祖兒,我唔小心係微博覆咗佢,就唔小心得罪咗佢。」

攝影:梁碧玲

突然被冠以「樂壇小強」之名,Vangie到底是怎樣看這件事呢?

對於被封上「樂壇小強之母」,Vangie似乎是相當不忿,不過瓊姐總算是一個舉足輕重的網絡紅人,她所說的當然不能用單單幾句說話推翻。當日瓊姐解構十大樂壇小強時,同時亦列舉出三個條件:1)面皮夠厚,2)要疊水,3)有生存意志,心跳未去到零都不可以放棄。

聽到這三個條件,Vangie即時作出否認:「我唔疊水喎,都唔係厚面皮。」不過坊間一直有傳言,指Vangie之所以可以一直無壓力勇闖樂壇,是因為其富家女身分,談到這個多年來一直揮之不去的傳聞,Vangie即時大平反:「其實唔係,我真係好努力賺錢㗎,前幾年一個月都有3-4個騷去做,平均月入都有六位數字,當然好夠我儲錢養自己,初出道都會搵屋企攞,因為冇收入,屋企人唔係好有錢,但我冇負擔,我唔使畀錢屋企,可以自給自足。」

「依家唔敢隔幾年再出碟,好怕人哋又話我重新出發」
鄧穎芝

至於「具生存意志」,問到Vangie為何要不斷儲錢,堅持繼續出碟?Vangie自嘲近年一直都「勁低產」,但覺得只要自己負擔到,又可以做喜歡的事,何樂而不為呢?Vangie又笑說:「依家唔敢隔幾年再出碟,好怕人哋又話我重新出發,其實我真係唔係,我都冇離開過,我會比較想人話,佢真係好堅持喎,又儲到錢喎。」

Vangie坦言自己可以依然有價值,大概是因為自己肯學肯做,譬如每年都堅持進修跳舞。

Vangie坦言自己可以在娛樂圈生存,總有自己的價值:「有啲人想起死回生繼續做都冇機會,我覺得自己都仲有價值都開心嘅。」而自G-1人氣回升後,Vangie決定自資推出三首新歌,打頭陣的是快歌《BREAK IT !》,內容大致上是說,拒絕公式化、標準化,不介意別人眼光,堅持做自己。

當談到美的標準時,Vangie自言從沒有想過要和「靚」畫上等號,因為不受框框限制住的,才是最真實的自己:「社會好多公式化嘅審美觀,會覺得唔係框框入面就唔鐘意你,首歌寫嚟係想講,每個人都可以好勇敢做真實嘅自己,好多嘢你做得舒服就得。」

面對網上的惡意批評,Vangie依然大方面對:「以前上論壇睇人哋對我嘅負面評論會唔開心,依家覺得唔需要為隔住個鍵盤打嘅字而唔開心。」

「如果你話一個人一路堅持努力,而有呢個名嘅話,咁我應該做啲咩去打破這個名號呢?我要停喇係嗎?」
鄧穎芝

談到是否真的從不介意被叫小強?Vangie想了一想說:「其實有啲人同我講,楊千嬅都係(樂壇小強),咁如果佢都係,我係有咩所謂,唔需要為此唔開心,都係個名啫,你自己個人正面就唔會負面㗎喇。唔知點解會有呢個名啦,但如果你話一個人一路堅持努力,而有呢個名嘅話,咁我應該做啲咩去打破這個名號呢?我要停喇係嗎?」

換個角度想,其實「小強」亦是頑強生命力的化名詞吧?

Hair : Goo @ Hair corner

Makeup : Krisie Wong

Top : mi-tu

Skirt : Souvenir



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。