林奕匡想上TVB翻唱 對《流行經典50年》有興趣:轉吹色士風都得
撰文:劉傳謙
出版:更新:
Sony Music歌手林奕匡(Phil)今日與師妹葉巧琳(Mischa)一起現身電視城,出席「音樂永續 樂壇同享」記者會。Phil在台下不時與吳若希(Jinny)和鄭俊弘(Fred)等傾談,又與JW王灝兒和AGA(江海迦)合照,頓時成為焦點之一。
+2
Phil為配合新企劃,以灰白髮色造型示人,希望為樂迷帶來新鮮感。他指在上年4月受傷前,自己一直有上《勁歌金曲》宣傳新歌,在破冰後最想嘗試上不同類型的音樂節目,如《流行經典50年》:「之前都有上過去做音樂節目,但係通常都係唱自己歌。頭先都有人問我期待啲咩,我知有啲節目係翻唱人哋啲歌,可能都係以合唱嘅方式表演,嗰啲節目都好期待,之前都比較少機會。始終我做音樂嘅,最開心係可以喺唔同台做唔同音樂,有新嘅嘗試,就算唔係叫我唱,我喺節目轉吹色士風都得。」被問到日後會否參加TVB頒獎禮,Phil指尚待公司安排,期待日後有更多人可以參與。