陳展鵬回歸樂壇獲樂易玲見證 自認係「一哥」:佢哋都會咁稱呼我

撰文:
最後更新日期:

陳展鵬(煎Pan)今日(26/2)於觀塘舉行記者會,正式宣布加盟天盟娛樂,相隔22年重返樂壇,除了鄭世豪、Bingo等天盟歌手外,監製舒文、近日回巢TVB接掌音樂部的何麗全,及無綫助理總經理樂易玲(樂小姐)亦現身撐場。

陳展鵬加入天盟娛樂,正式回歸樂壇。(劉智源攝)

煎Pan除了現場演繹新歌《零歲》外,亦即席表演2014年劇集《單戀雙城》插曲《差半步》。他在會後接受《香港01》訪問時,形容今日有種夢醒的感覺:「我諗每個新人都希望俾人關注,但係20年前嗰個係夢嚟,好唔真實,但係好多謝嗰段時間有人畀我發咗個咁嘅夢,今日所有嘢都好實在,依家多咗個身份,希望畀到自己鼓勵、力量,喺音樂上面表達多啲。」

煎pan即席演唱《差半步》及新歌《零歲》。(劉智源攝)

煎Pan指自己一直不敢循歌手方向發展,後來在推出《差半步》後有意再戰樂壇,加上樂小姐積極游說下,在今年終於下定決心再做歌手。他想到過往在海外唱歌比拍廣告多,又笑指:「其實做演員應該係拍廣告多㗎嘛,可能我個樣比較嚴肅,自己真係冇乜廣告,好多都係登台唱歌。可能佢哋發掘到我呢個優點,所以一路幫我搵有冇適合自己嘅唱片公司。公司有好多,但係佢需要有膽量,因為一間唱片公司要投資畀陳展鵬唱歌真係需要膽識。(星夢呢?)嗰陣唱主題曲嘅時候,未有嗰種要做歌手嘅感覺。」

煎pan直認自己係「一哥」。(劉智源攝)

今日樂小姐和何麗全雙雙出席,他亦提到日前TVB與三大唱片公司破冰一事,形容是值得高興的事:「TVB屬於媒體嘅中心,當然仲有好多公司,但係如果可以百花齊放,大家一齊參與呢個派對,其實唔止觀眾開心咁簡單,台前幕後都好高興。」他又想與林家謙、Dear Jane、吳業坤等年輕歌手合作,期待從他們的創作了解現時的香港樂壇。

+4
+4
+4


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。