【唐奕聰逝世】李忠希憶表哥Gary曾作歌補償:佢有首歌畀咗孫耀威

撰文:劉傳謙
出版:更新:

無綫(TVB)為紀念唐奕聰(Gary),在昨日(5/3)錄影《勁歌金曲 懷念唐奕聰》,其表弟李忠希亦有參與拍攝。他接受《香港01》訪問時直言這段時間感到失落:「依家都要接受(死訊),但係呢兩日瞓醒覺,啲回憶湧返出嚟,有朋友喺Facebook擺個相簿放返以前啲合照,呢兩朝都有留,有種好失落嘅感覺。」

李忠希今日現身電視城,參與《勁歌金曲 懷念唐奕聰》。(陳順禎攝)

談起與Gary相處最深刻的回憶,李忠希記得年少時,Gary就帶他去日本旅遊:「我18歲嗰陣,佢問我有冇去過日本,佢知道我冇去過,就話請埋我去玩,帶我見啲日本朋友,之後喺澀谷去世嘉遊戲機中心,嗰時有得打機已經好開心。疫情之前一年我帶太太去返東京,有同佢講呢個地方好耐之前嚟過,係Gary帶我嚟。呢啲回憶我一世都唔會忘記,帶我入行之餘,仲帶我第一次搭飛機、第一次去旅行。」

李忠希直言,年少時與Gary日本旅行的經歷,自己一生都不會忘記。(陳順禎攝)

李忠希曾在1996年出過專輯《太著緊》,當中《無奈妳最愛自己》便是由Gary作曲和編曲。他指自己已經下載所有自己唱過的歌,一再重溫Gary為自己創作的作品,又向大家分享《無奈妳最愛自己》的故事:「佢嗰時作咗首歌畀孫耀威,叫《開蓬車上等你的人》,初初佢畀我聽過,到我出唱片嘅時候,我就同監製講好鍾意呢首歌,Gary話唔得,因為應承咗要畀孫耀威,於是做咗首差唔多感覺嘅畀我。呢首歌我好深刻,佢唔單止幫手編曲,喺我唱嘅時候教我點唱,喺音樂上面幫咗我好多。」

《無奈妳最愛自己》是Gary作給李忠希的歌,背後故事原來與孫耀威有關。(陳順禎攝)

李忠希認為,自己損失一位親人之餘,樂壇亦損失一位資深的前輩。他相信Gary太太已經接受丈夫的離開,又坦言目前未知Gary身後事的安排,指自己因其家人處於傷心狀態而不會刻意追問,目前有待其表姐公布相關安排。