ChillClub頒獎禮|Dear Jane重編MIRROR舞曲嘆跳舞難:爆晒Ram!

撰文:葉詩
出版:更新:

ViuTV將於周日(18日)舉行首個樂壇頒獎禮《Chill Club推介榜年度推介》,周三(14日)Dear Jane、MIRROR、C AllStar出席綵排,連同艾粒入圍「年度組合」的四隊將會交換歌唱,Dear Jane將演唱MIRROR的《IGNITED》,聽到樂隊跳舞的消息之時着實令人興奮,不過一眾成員就耍手擰頭說:「今次之後就唔敢,唔喇,我驚要成個月先表演到,始終時間無多,做啲最拿手嘅就得!」不過他們亦學了招牌舞蹈動作:「我哋學咗個手勢,焫焫焫焫焫焫着,一二三四五六之後Fing,個身又要挨後,都練咗成個禮拜,已經好難喇,爆晒Ram!」

談起Dear Jane去年在各樂壇頒獎禮成績亮麗,是否有信心再下一城,他們抱輕鬆心態:「今次頒獎禮最開心係好似演唱會形式,無論有冇獎攞都安排咗地方畀我哋重新編曲,而且咁耐冇做Show,希望以睇Show嘅心情出席頒獎禮。」又謙虛指:「冇特別去諗(獎項),追成績唔係我哋第一目標,反而上年出到咁多聽眾鍾意嘅歌,希望今年唔會令佢哋失望。」Dear Jane亦率先預告已錄好本年第一首歌,今年亦有可能發布專輯:「做音樂好靠Feel加嘛!」