泳兒求事業突破轉走暗黑風 發掘潛能不怕失敗:依家做音樂要冒險

撰文:劉傳謙
出版:更新:

泳兒(Vincy)、曾樂彤及楊天宇(Angus)周二(20/4)現身會展,出席《香港01》5周年慶典。Vincy日前在《Chill Club推介榜 年度推介20/21》中,憑《溝渠暢泳》奪得「年度十大歌曲」後情緒激動,她在典禮前接受採訪時,亦再次談及這首近年在自己音樂事業上的代表作。

英皇娛樂集團行政總裁許佩斯,連同旗下藝人陳家樂、衛詩雅、泳兒、曾樂彤及楊天宇一同現身,支持《香港01》5周年慶典。(葉志明攝)

Vincy近年走暗黑風格,在曲風上開始尋找到自己風格。她坦言當初只是放手一搏,嘗試新作風:「我入行都十幾年,中間都做過好多嘗試,有啲係失敗咗,呢啲就好多人唔知係咩,所以每一次做轉變都係冒緊好大嘅險,但係依家呢個年代做音樂真係要冒險,就算做戲都一樣,要突破自己先知內在有好多唔同潛能。」她認為《溝渠暢泳》是繼《感應》後重大突破:「《感應》之後仲有《我的回憶不是我的》,但係曲風好相似。而呢首歌係將自己內在嘅情緒,大家比較少見嘅泳兒展露畀大家睇,亦因為呢首歌認識咗好多思想、口味上好夾嘅人,成就依家嘅我。」

泳兒認為《溝渠暢泳》代表著自己近年來在音樂發展上的轉變。(陳順禎攝)

在旁的曾樂彤直言Vincy的作品難度極高:「我有試過唱《所有遺失的東西》,如果講《溝渠暢泳》,我試過喺佢練歌嘅時候幫手墊底(泳兒:但係墊底嗰個係高音啲。)起碼唔使用力唱呀,本身係要好用力咁爆上去。我覺得佢呢幾年出嘅歌係好有泳兒嘅特色,期待緊下一首,因為佢依然係暗黑系列嘅延續。」

問到近年來所經歷的轉變,曾樂彤直言不願回顧過去,只期待疫情過後,一切發展都會推進得更快。同場的Angus就指近年開始注重健康,亦為自己設立工作目標:「唔係話要行到幾遠,依家係好想畀行內嘅導演、監製見到我,都覺得自己算係識得做戲,咁就已經足夠。」

點擊下圖看更多到場藝人的照片︰

+15