勁歌金曲︱單立文堅持講真話 讚馮允謙有才華:我想佢快啲出頭

撰文:劉傳謙
出版:更新:

單立文(豹哥)今晚(25/5)現身電視城,再次以「音樂導賞團」身份參與音樂節目《勁歌金曲》錄影。對於上集評論被網民指太過火,豹哥稱未有留意網上留言,認為當時只想直接點出歌手遇到的問題:「我哋到一啲問題,或者搵到一啲令佢哋快啲達到目標嘅方法,我話一話畀佢聽,我係真心咁覺得先講,但係每個人都係唔同嘅個體,諗法係好主觀,所以我都唔會再評論或者聽佢哋(網民)嘅回應。」

豹哥現身電視城,參與《勁歌金曲》錄影。(梁碧玲攝)

豹哥亦為上集指馮允謙(Jay)沒有大熱作的評論解話,認為對方有才華,一心想對方儘快突圍而出,令作品深受廣泛認識:「我話過Jay Fung係一位好努力、好全面嘅音樂人,周身刀、張張利,我講晒呢啲屬於自己嘅觀感,但係感覺佢係到樽頸位,我好想佢啲歌係畀人廣泛認識。我係讚緊佢,同時戥佢好心急,我覺得Eric Kwok有好多金曲,真係做到雅俗共賞,係好好嘅參考對象,所以想佢聽下,睇睇有冇一啲諗法。有才華嘅人遲早都會出頭,但係我想佢快啲出頭。」

豹哥現身電視城,參與《勁歌金曲》錄影。(梁碧玲攝)

豹哥直言,這次錄影將繼續上集作風:「我係講真心話,係講事實,我係唔會𠱁你,如果真係要我𠱁你,我做唔到。咁講假話我係可以做,但係我覺得唔應該欺騙你,欺騙觀眾,呢個唔啱我嘅身份。我算係喺呢行好耐嘅人,講嘅嘢唔係嬉戲,係有份量,如果我切切實實見到呢個問題,我真係要講出嚟。」

豹哥現身電視城,參與《勁歌金曲》錄影。(梁碧玲攝)