胡楓演唱會︱薛家燕憶與修哥拍戲往事 爆曾三度要求做嘉賓險被拒
撰文：劉傳謙
出版：更新：
胡楓（修哥）今日（19/6）在紅館舉行《胡楓約你開心派對2021》演唱會，台上不但眾星雲集，有羅蘭、「11哥」何國材等一同慶祝修哥再破紀錄，途中更有兩位孫女攜一眾曾孫合唱《世上只有》，提早預祝父親節。
胡楓今晚（19/6）在紅館開騷。（葉志明攝）
今晚修哥也請到薛家燕擔任表演嘉賓，他們合唱《快樂伴侶》後，就憶起數十年前相識的經歷。原來家燕姐為與修哥合作，兒時曾經女扮男裝：「嗰陣有套戲叫《魚雁曲》，佢哋要搵一個童星做修哥個仔，不過嗰陣嘅男童星唔多，佢哋就透過爸爸媽媽搵我，又同我講要扮男仔，要剪短頭髮，因為嗰陣我頭髮好長。我知道咗要做胡楓個仔，我就即刻話要剪，當然嗰陣返到學校，同學就會笑我男仔頭，但係可以同修哥拍檔係我嘅榮幸。」
薛家燕是其中一位表演嘉賓。（葉志明攝）
她又指自己曾三度主動向修哥提出要做演唱會嘉賓，但對方只支吾以對，修哥即解釋：「我70歲喺紅館開演唱會，佢已經幫咗我兩晚，到我86歲嗰陣佢就嚟捧我場，但係佢都上嚟同我跳舞，我點好意思再搵佢呀？」其後修哥下台稍作休息，家燕姐就唱出《皆大歡喜》，更跳起經典十字步。