關心妍新歌交代前作MV疑點 憶大屋拍攝臨收工遇停電似拍鬼片

撰文:劉傳謙
出版:更新:

關心妍(Jade)日前推出「療癒三部曲」第二步《愛的告別式》,早前Jade接受《01眾樂迷》專訪時透露,新歌親自作曲和監製,並由新晉詞人Oscar執筆,她說:「新歌係我近年喜歡嘅音樂種類,特別為三個療癒步驟寫嘅,以前有首歌叫《放生》,但係呢個時代應該點表達「明白放過你是放過自己」呢?曾經都試過唔少新嘗試,好似《C-12》專輯、《龐貝·21世紀》、《玉石樂隊》等,《愛的告別式》是20年來從未試過的種類。」

Jade日前推出《愛的告別式》,是「療癒三部曲」第二步。

《愛的告別式》MV上架,故事情節可說是《腍》的前傳,當中除解說男女主角認識的經過,亦交代著Jade得知丈夫外遇後的心路歷程,雖然部份畫面與《腍》MV重疊,但將兩部MV的故事串連後,故事性更為完整。而MV撞車一幕也再度掀起網民議論,Jade也為這一幕親自解說:「大家都問究竟係撞車還是報復?其實MV入面著住紅色衫,個樣好惡嘅我只係一個幻想,嗰一段報復係冇做到。喺第二部MV大家就會解構返,點解我要報復,嗰個男人做咗啲乜,第三者點解會搭上我嘅另一半,亦交代佢鍾意一個比佢成熟好多嘅男人。」

上集出現的剎車畫面,Jade解釋當中只是交通意外,與幻想中的報復情節無關。(《腍》MV截圖)

MV在一間豪華大屋拍攝,導演特別營造詭異氣氛,Jade說:「拍最後一個鏡頭,大家都以為可以收工之際,突然跳fuse,全屋冇晒燈,加埋我個look都幾恐怖,好似拍緊鬼片,好彩好快搶修好,完成拍攝交返間屋俾人。」

Jade口中較為恐怖的經歷,來自《腍》MV中一開始的場景。(資料圖片)

Jade亦找來一位閨蜜,客串拍攝揭發丈夫外遇一幕,她說:「我們由小學認識至今,拍嗰陣都幾心寒,好真實咁,拍嗰陣心諗如果真係發生會點樣應對?所以呢幕好投入,哈哈!」